२०७९ असार २२
July 6, 2022, Wednesday

काँग्रेस महाधिवेशन : सुरुमा उपसभापतिको मतगणना, महामन्त्रीको भोलि

काँग्रेस महाधिवेशन : सुरुमा उपसभापतिको मतगणना, महामन्त्रीको भोलि

नेपाली काँग्रेसको १४औँ महाधिवेशनको मतगणना बुधबार साँझ सुरु हुँदैछ । निर्वाचन समिति सदस्य केशव रिजालका अनुसार बुधबार सुरुमा उपसभापतिको मतगणना गर्ने निर्णय भएको छ ।

पदाधिकारी र केन्द्रीय सदस्यको मतगणना एकसाथ गर्दा झन्झटिलो हुने भन्दै निर्वाचन समितिले पदाधिकारीको सकेर केन्द्रीय सदस्यको गणना गर्ने निर्णय गरेको रिजालले बताउनुभयो । पार्टी नेतृत्वले एकसाथ मतगणना गर्न अनुरोध गरे पनि निर्वाचन समितिले पदाधिकारीको सकेर मात्र केन्द्रीय सदस्यको मतगणना गर्नुपर्नेमा जोड दिएको हो ।

‘बुधबार साँझदेखि उपसभापतिको मतगणना हुन्छ’, रिजालले भन्नुभयो, ‘तीन ठाउँमा एकसाथ उपसभापतिको मतगणना हुनेछ ।’ रिजालका अनुसार उपसभापतिको मतगणना सकिएपछि बिहीबार बिहान मात्र महामन्त्रीको मतगणना हुनेछ । ‘महामन्त्रीको मतगणना सकिएपछि सह–महामन्त्रीको मतगणना हुनेछ’, उहाँले भन्नुभयो, ‘त्यसपछि मात्र केन्द्रीय सदस्यको मतगणना हुनेछ ।’

१४ औँ महाधिवेशनमा कांग्रेस उपसभापतिमा विजयकुमार गच्छदार, पूर्णबहादुर खड्का, सुजाता कोइराला, धनराज गुरुङ, चन्द्र भण्डारी, महेश आचार्य र दिव्येश्वरी शाहले उम्मेदवारी दिनुभएको छ । पार्टी विधान अनुसार दुई जना उपसभापति महाधिवेशनबाट निर्वाचित हुनेछन् ।

Related News

रोकिएन असारे विकास : बागलुङमा २० दिनमा २० करोड १८ लाख खर्च
रोकिएन असारे विकास : बागलुङमा २० दिनमा २० करोड १८ लाख खर्च
  • २०७८ मंसिर २९, बुधबार १७:१४

बागलुङ : जब असार लाग्छ, तब विकासका योजनाहरु धमाधम सम्झौता गर्ने र काम देखाउनेतर्फ सरकार लाग्छ। यो पुरानै परम्परा हो। सरकारले...

भूमिहीनलाई जग्गा उपलब्ध गराउन म्याग्दीका पालिका र आयोगबीच सम्झौता
भूमिहीनलाई जग्गा उपलब्ध गराउन म्याग्दीका पालिका र आयोगबीच सम्झौता
  • २०७८ मंसिर २९, बुधबार १७:१४

म्याग्दी : भूमिहीन दलित, भूमिहीन सुकुम्बासी र अव्यवस्थित बसोबास गर्दै आएकालाई जग्गा उपलब्ध गराउन म्याग्दीका स्थानीय तह र राष्ट्रिय भूमि आयोगबीच सम्झौता...

म्याग्दीका  स्थानीय तह : ‘सिप टिकाउने, उत्पादन बिकाउने’ नीति
म्याग्दीका स्थानीय तह : ‘सिप टिकाउने, उत्पादन बिकाउने’ नीति
  • २०७८ मंसिर २९, बुधबार १७:१४

म्याग्दीका सबैजसो स्थानीय तहले स्थानीय जनशक्तिको खपत गरी उत्पादन बढाउने र ती उत्पादनलाई राष्ट्रिय तथा अन्तर्राष्ट्रिय बजारमा बिक्रीको व्यवस्था मिलाउने...

TOP