२०७९ असार २२
July 6, 2022, Wednesday

म्याग्दी खोलामा सर्वसाधारणले फागुन महिनासम्म लगानी गर्न पाउने

म्याग्दी खोलामा सर्वसाधारणले फागुन महिनासम्म लगानी गर्न पाउने

पश्चिम म्याग्दीको मालिका गाउँपालिका(६ दरबाङमा निर्माणाधीन २५ मेगावाट क्षमताको दरवाङ म्याग्दी खोला जलविद्युत आयोजनामा प्रभावित र म्याग्देलीलाई आगामी फागनु मसान्तभित्र लगानी खुल्ला गरिएको छ ।

धौलागिरी कालिका हाइड्रो कम्पनीले म्याग्दी खोलामा २५ मेगावाटको जलविद्युत आयोजना आगामी ३ वर्ष भित्र निर्माण सम्पन्न गर्ने लक्ष्य राखेको आयोजनाले ३० प्रतिशत बराबरको शेयरका लागि आगामी फागुन महिनासम्मको समय तोकेको छ । म्याग्दी खोलामा न्यूनतम १ लाखदेखि १० लाखसम्म लगानी गर्न पाइने कम्पनीका अध्यक्ष विनोद कुँवरले बताए ।

‘संस्थापक लगानीकर्ता बन्न चाहनेलाई यो समयभित्र लगानी गर्न अनुरोध गर्दछु,‘म्याग्दी खोलामा गरिएको लगानी खेर जादैन’ अध्यक्ष कुँवरले भने । उनले किस्ता तिर्न बांकी लगानीकर्ताहरुलाई पनि सोही समयअवधि कायम गरिएको बताए । आयोजनामा सानिमा बैंकको नेतृत्वमा प्रभू बैंक, कुमारी बैंक, सेन्चुरी बैंक, मुक्तिनाथ विकाश बैंक र महालक्ष्मी विकाश बैंकले ३ अर्ब ५० करोड रुपैयाँ ऋण लगानी रहेको छ ।

हाल साईट अफिस, कर्मचारी आवास, लेवर क्याम्प निर्माण सम्पन्न भएको छ भने आयोजनास्थल सम्म पहुंच मार्ग निर्माण सहित अन्य पूर्वाधार र विष्फोटक पदार्थ व्यवस्था गरी शुरुङ्ग निर्माण कार्य भइरहेको प्रवन्ध निर्देशक हर्कमान घर्ती मगरले बताए । आगामी डेढ वर्ष सम्म सर्वसाधारणका लागि शेयर निस्कासन गर्ने लक्ष्यका साथ काम भइरहेको आयोजनाले जनाएको छ ।

परियोजनामा स्थानीय लगानिकर्ताहरुका साथै म्याग्दीमा जन्मिएर प्रवासमा रहेका लगानीकर्ताहरुको बाहुल्यता रहेको छ। एनआरएनए हङ्गकङ्ग समूह, काठमाण्डौ म्याग्दी इन्भेष्टमेण्ट कम्पनी र ग्लोबल फ्रेण्डसिप क्यापिटल लिमिटेड मुख्य प्रवर्द्धक रहेको आयोजनाको रू २१ करोड प्रति मेघावाटभन्दा कम नै लाग्ने गरी काम गरिरहेको छ ।

लागत वृद्धिमा कोरोनाको कारण काम ठप्प, ठेकेदारको लापरबाही तथा ढिला सुस्तीबाट परियोजना अवधि थप, प्रर्वधकहरूमा आर्थिक अनुशासनमा कमी जस्ता विविध कारणले भएपनि आयोजनाले अन्य खर्चहरुलाई कम गदै प्रति मेगावाट लागत २१ करोडभन्दा तल नै राख्ने गरी काम गरेको जनाएको छ । आयोजनाबाट उत्पादन हुने विद्युत बिमको सबस्टेसनमार्फत केन्द्रीय प्रसारणमा जोडिनेछ । हिउँदको चार महिना प्रतियुनिट ८ रुपैयाँ ४० पैसा र वर्षायामको ८ महिना प्रतियुनिट ४ रुपैयाँ ८० पैसामा नेपाल विद्युत प्राधिकरणसँग विद्युत खरिद बिक्रीको सम्झौता भएको छ ।

Related News

रोकिएन असारे विकास : बागलुङमा २० दिनमा २० करोड १८ लाख खर्च
रोकिएन असारे विकास : बागलुङमा २० दिनमा २० करोड १८ लाख खर्च
  • २०७८ फाल्गुन २, सोमबार १५:०५

बागलुङ : जब असार लाग्छ, तब विकासका योजनाहरु धमाधम सम्झौता गर्ने र काम देखाउनेतर्फ सरकार लाग्छ। यो पुरानै परम्परा हो। सरकारले...

भूमिहीनलाई जग्गा उपलब्ध गराउन म्याग्दीका पालिका र आयोगबीच सम्झौता
भूमिहीनलाई जग्गा उपलब्ध गराउन म्याग्दीका पालिका र आयोगबीच सम्झौता
  • २०७८ फाल्गुन २, सोमबार १५:०५

म्याग्दी : भूमिहीन दलित, भूमिहीन सुकुम्बासी र अव्यवस्थित बसोबास गर्दै आएकालाई जग्गा उपलब्ध गराउन म्याग्दीका स्थानीय तह र राष्ट्रिय भूमि आयोगबीच सम्झौता...

म्याग्दीका  स्थानीय तह : ‘सिप टिकाउने, उत्पादन बिकाउने’ नीति
म्याग्दीका स्थानीय तह : ‘सिप टिकाउने, उत्पादन बिकाउने’ नीति
  • २०७८ फाल्गुन २, सोमबार १५:०५

म्याग्दीका सबैजसो स्थानीय तहले स्थानीय जनशक्तिको खपत गरी उत्पादन बढाउने र ती उत्पादनलाई राष्ट्रिय तथा अन्तर्राष्ट्रिय बजारमा बिक्रीको व्यवस्था मिलाउने...

TOP