२०७९ असार २२
July 6, 2022, Wednesday

बेनी नगरको पहिलो कार्यपालिका बैठकको १६ निर्णय

बेनी नगरको पहिलो कार्यपालिका  बैठकको १६ निर्णय

 म्याग्दीको बेनी नगरपालिकाले विपद्मा मेयर र आमा समूहसँग उपमेयर कार्यक्रम सञ्चालन गर्ने भएको छ ।

कार्यपालिकाको पहिलो बैठकले विपद् व्यवस्थापन, राहत र पुननिर्माणमा राज्यका अतिरिक्त समुदाय, निजी क्षेत्र र प्रवासीहरुको सहभागितामा विपद्मा मेयर कार्यक्रम सञ्चालन गर्ने निर्णय गरेको हो ।

निर्णय सार्वजनिक गर्दै मंगलबार नगरप्रमुख सुरत केसीले विपद्जन्य घटनाहरुबाट हुने सम्भावित क्षति न्युनिकरण गर्न र विपद् व्यवस्थापन, उद्धार तथा प्रतिकार्यका लागि विपद्मा मेयर कार्यक्रम सञ्चालन गर्ने बताउनुभयो ।

आसन्न बर्खामा विपद्को प्रतिकार्यका लागि तयारीसँगै विपद् व्यवस्थापनमा परिचालन हुने डोजर, ट्रिपर र ट्याक्टर प्रतिस्पर्धा मार्फत भाडामा लिने नगरप्रमुख केसीले जानकारी दिनुभयो ।

उपप्रमुख ज्योती लामिछाने पौडेलले टोल टोलमा बनेका आमा समूहका भवनमा सिपमुलक तालिम सञ्चालन गरेर महिलाहरुलाई उत्पादनसँग जोड्ने उद्देश्यले आमा समूहसँग उपमेयर कार्यक्रम अघि सारिएको बताउनुभयो ।

कार्यपालिका अन्तरगतका समितिको नेतृत्व र सदस्य चयनका साथै आगामी बैठकमा नगरप्रहरी सञ्चालन तथा व्यवस्थापन र रुख कटान छनाट सम्बन्धी कार्यबिधी बनाउने र मजदुर डेक्स तथा मजदुर सहायता कोष स्थापना गर्ने निर्णय भएको कार्यपालिकाका प्रवत्ता रमेशकुमार श्रेष्ठले बताउनुभयो ।

सामुदायिक विद्यालयको शैीक्षक गुणस्तर सुधारका लागि अध्ययन गरि सुझाव पेश गर्न शिक्षा अधिकृत कमलप्रसाद ढकालको संयोजकत्वमा सोमनाथ ढुङ्गाना, सम्मरबहादुर थापा, जयराम सुवेदी र पेशागत संगठनका तीन जना प्रतिनिधी रहेको कार्यदल बनाएको छ ।

कार्यपाकिलाको प्रवत्ताको जिम्मेवारी वडा नम्बर ७ का अध्यक्ष रमेश कुमार श्रेष्ठले पाउनुभएको छ । नगर क्षेत्रमा नदीजन्य बस्तुको उत्खनन्को पुन प्रारम्भिक परीक्षण (आइई)का लागि प्रक्रिया अघि बढाउने भएको छ ।

नगर प्रमुख केसी संयोजक रहेको स्रोत अनुमान तथा बजेट सिमा निर्धारण समितिमा वडा अध्यक्ष गोविन्द बानिया, यामबहादुर क्षेत्री, कार्यपालिका सदस्य कृष्णकुमार विश्वकर्मा र मनकुमारी विक मनोनित हुनुभएको छ ।

नगर उपप्रमुख पौडेल संयोजक रहेको राजस्व परामर्श समितिको सदस्यमा कार्यपालिका सदस्य सृजना श्रेष्ठ र किसान विश्वकर्मा सदस्य रहनुभएको छ । नगर प्रमुख केसीको संयोजकत्वमा फोहोरमैला विर्सजन एवम् थप उचित व्यवस्थापनका लागि उपयुक्त स्थान खोजी र पहिचानका लागि सहजिकरण गर्न नगर उपप्रमुख पौडेल सहित २, ३, ४, ६ र ९ नम्बर वडाका अध्यक्ष रहेको समिति बनाइएको छ ।

वडा नम्बर ३ का अध्यक्ष पदम पुनको संयोजकत्वमा गठन भएको आर्थिक विकास समितिको सदस्यमा ५ नम्बर वडाका अध्यक्ष गोविन्द बानिया, कार्यपालिका सदस्य सृजना श्रेष्ठ र सदस्य सचिवमा पशु चिकित्सक जनाश्रित श्रेष्ठ र आकृति ढुङ्गानालाई मनोनित गरिएको छ ।

वडा नम्बर ९ का अध्यक्ष चक्रबहादुर केसीको संयोजकत्वमा गठन भएको सामाजिक विकास समितिको सदस्यमा १ नम्बर वडाका अध्यक्ष टेकबहादुर थापा, कार्यपालिका सदस्य सुजाता किसान र शिक्षा अधिकृत कमलप्रसाद ढकाल रहनुभएको छ ।

वडा नम्बर ६ का अध्यक्ष कृष्णबहादुर बानियाको अध्यक्षतामा गठन भएको पूर्वाधार विकास समितिको सदस्यमा ८ नम्बर वडाका अध्यक्ष उत्तम कर्माचार्य, कार्यपालिका सदस्य मनकुमारी विक सदस्य तथा इञ्जिनियर विमलरञ्जन कार्की सदस्य सचिव रहनुभएको छ ।

वडा नम्बर ४ का अध्यक्ष अणबहादुर खड्का (भगवान)को संयोजकत्वमा गठन भएको वन वातावरण तथा विपद् व्यवस्थापन समितिमा कार्यपालिका सदस्य बबिता सापकोटा, वडा नम्बर १० का अध्यक्ष मसबिर रोका सदस्य र प्रशासकीय अधिकृत युवराज थापा सदस्य सचिव रहनुभएको छ ।

वडा नम्बर ८ का अध्यक्ष उत्तम कर्माचार्यको संयोजकत्वमा गठन भएको सुशासन तथा संस्थागत विकास समितिको सदस्यमा कार्यपालिका सदस्य किसान बिक, निर्मला मल्ल र प्रशासकीय अधिकृत युवराज थापा सदस्य सचिव रहनुभएको छ ।

नगरपालिकाको हितका लागि सहमतिमा विषयगत समिति गठन गरिएको नगरप्रमुख केसीले बताउनुभयो । नगर प्रमुद केसीले पदभार ग्रहणका क्रममा गर्नुभएको विपन्नको स्वस्थ्य बिमा गर्ने, नसर्ने रोगका बिरामी पहिचान गर्न शिविर सञ्चालन गर्ने सम्बन्धी निर्णय बैठकले अनुमोदन गरेको छ । प्रमुख प्रशासकीय अधिकृत धोलकराज ढकालले कार्यपालिकाको निर्णयलाई आगामी आर्थिक वर्षको नीति तथा कार्यक्रम र बजेटमा समेटिने बताउनुभयो ।

Related News

रोकिएन असारे विकास : बागलुङमा २० दिनमा २० करोड १८ लाख खर्च
रोकिएन असारे विकास : बागलुङमा २० दिनमा २० करोड १८ लाख खर्च
  • २०७९ जेष्ठ २४, मंगलवार २२:१०

बागलुङ : जब असार लाग्छ, तब विकासका योजनाहरु धमाधम सम्झौता गर्ने र काम देखाउनेतर्फ सरकार लाग्छ। यो पुरानै परम्परा हो। सरकारले...

भूमिहीनलाई जग्गा उपलब्ध गराउन म्याग्दीका पालिका र आयोगबीच सम्झौता
भूमिहीनलाई जग्गा उपलब्ध गराउन म्याग्दीका पालिका र आयोगबीच सम्झौता
  • २०७९ जेष्ठ २४, मंगलवार २२:१०

म्याग्दी : भूमिहीन दलित, भूमिहीन सुकुम्बासी र अव्यवस्थित बसोबास गर्दै आएकालाई जग्गा उपलब्ध गराउन म्याग्दीका स्थानीय तह र राष्ट्रिय भूमि आयोगबीच सम्झौता...

म्याग्दीका  स्थानीय तह : ‘सिप टिकाउने, उत्पादन बिकाउने’ नीति
म्याग्दीका स्थानीय तह : ‘सिप टिकाउने, उत्पादन बिकाउने’ नीति
  • २०७९ जेष्ठ २४, मंगलवार २२:१०

म्याग्दीका सबैजसो स्थानीय तहले स्थानीय जनशक्तिको खपत गरी उत्पादन बढाउने र ती उत्पादनलाई राष्ट्रिय तथा अन्तर्राष्ट्रिय बजारमा बिक्रीको व्यवस्था मिलाउने...

TOP