जन्मदिनको अवसरमा शर्माद्धारा युनियन अक्षयकोषलाई सहयोग

नेपाल प्रेस युनियन म्याग्दीका पूर्व अध्यक्ष तथा म्याग्दीका क्रियाशिल पत्रकार ध्रुबसागर शर्माले आफ्नो जन्मदिनको अवसरमा नेपाल प्रेस युनियन म्याग्दीले स्थापना गरेको अक्षयकोषलाई सहयोग गर्नुभएको छ ।

म्याग्दीमा क्रियाशिल पत्रकारहरुलाई आपतकालिन सहयोग,प्रोत्साहन र सम्मान गर्ने उद्धेश्यले निर्माण गरिएको कोषमा शर्माले जन्मदिनको अवसरमा छ हजार सहयोग गर्नुभएको छ । शर्मा राष्ट्रिय समाचार समिति, थाहा खबर लगायत सञ्चार माध्यममा कार्यरत हुनुहुन्छ ।

साथै कोषमा म्याग्दीका क्रियाशिल परोपकारी पत्रकार हरिकृष्ण गौतमले समेत दश हजार कोषमा सहयोग गर्नुभएको छ ।हाल सम्म कोषमा दुई लाख ७० हजार संकलन भएको युनियन म्याग्दीले जनाएको छ ।