२०७९ असार २२
July 6, 2022, Wednesday

बेनपा–७ मा सम्मान र योजना प्राथमिकीकरण

बेनपा–७ मा सम्मान र योजना प्राथमिकीकरण

बेनी नगरपालिका–७ मा शनिबार आगामी आर्थिक वर्ष २०७९÷८० मा सञ्चालन हुने योजना प्राथमिकीकरण र सम्मान कार्यक्रम सम्पन्न भएको छ ।

नगरपालिका, प्रदेश र संघीय सरकारमा माग गर्ने योजना छनौटका लागि आयोजित भेलाका अवसरमा टोल विकास संस्था र विभिन्न व्यक्तिहरुलाई सम्मान गरिएको छ । कार्यपालिका सदस्य सिर्जना श्रेष्ठ, सुजता किसान, वडा सदस्य सोहन श्रेष्ठ, रमेश फगामी, टोल विकास संस्था, विद्यालय, आमा समूह, युवा क्लव र विभिन्न संघ संस्थाका प्रतिनिधीहरुको उपस्थिति थियो ।

नगरपालिकाले तोकेको रु. पचास लाखको सिमाभित्र रहेर वडा स्तरीय योजना तथा कार्यक्रम छनौट गरिएको छ । नगरपालिकाको विषयगत समिति, प्रदेश र संघीय सरकारका निकायमा माग गर्ने योजना पनि प्राथमिकीकरण भएको छ ।

सो अवसरमा बिरेन्द्रचोक र कुरिलाखर्क टोल विकास संस्था, युवा उद्यमी जालपा चाउमीन उद्योग मंगलाघाटका सञ्चालक रेशम बानिया, कौशी खेती गर्ने इन्द्रेणीटोलका राजु राम्जाली, खेलाडी खड्ग केसी र सरसफाईतर्फ जिल्ला हुलाक कार्यालयका हलकरा भरत केसीलाई सम्मान गरिएको छ ।

वडा अध्यक्ष रमेशकुमार श्रेष्ठको अध्यक्षता, सचिव विनिता रेग्मीको सञ्चालन र जेष्ठ नागरिक एवम् इन्द्रेणीटोल विकास संस्थाका अध्यक्ष नैनकुमार श्रेष्ठको प्रमुख आतिथ्यतामा सम्पन्न कार्यक्रममा प्रमाणपत्र वितरण र दोसल्ला ओढाएर सम्मान गरिएको थियो ।

Related News

रोकिएन असारे विकास : बागलुङमा २० दिनमा २० करोड १८ लाख खर्च
रोकिएन असारे विकास : बागलुङमा २० दिनमा २० करोड १८ लाख खर्च
  • २०७९ असार ४, शनिबार २१:३५

बागलुङ : जब असार लाग्छ, तब विकासका योजनाहरु धमाधम सम्झौता गर्ने र काम देखाउनेतर्फ सरकार लाग्छ। यो पुरानै परम्परा हो। सरकारले...

भूमिहीनलाई जग्गा उपलब्ध गराउन म्याग्दीका पालिका र आयोगबीच सम्झौता
भूमिहीनलाई जग्गा उपलब्ध गराउन म्याग्दीका पालिका र आयोगबीच सम्झौता
  • २०७९ असार ४, शनिबार २१:३५

म्याग्दी : भूमिहीन दलित, भूमिहीन सुकुम्बासी र अव्यवस्थित बसोबास गर्दै आएकालाई जग्गा उपलब्ध गराउन म्याग्दीका स्थानीय तह र राष्ट्रिय भूमि आयोगबीच सम्झौता...

म्याग्दीका  स्थानीय तह : ‘सिप टिकाउने, उत्पादन बिकाउने’ नीति
म्याग्दीका स्थानीय तह : ‘सिप टिकाउने, उत्पादन बिकाउने’ नीति
  • २०७९ असार ४, शनिबार २१:३५

म्याग्दीका सबैजसो स्थानीय तहले स्थानीय जनशक्तिको खपत गरी उत्पादन बढाउने र ती उत्पादनलाई राष्ट्रिय तथा अन्तर्राष्ट्रिय बजारमा बिक्रीको व्यवस्था मिलाउने...

TOP