२०७९ असार २२
July 6, 2022, Wednesday

कांग्रेसले जनताको गुनासो सुन्न समस्या समाधान विभाग बनाउनुपर्छ ः आर्जु राणा

कांग्रेसले जनताको गुनासो सुन्न समस्या समाधान विभाग बनाउनुपर्छ ः आर्जु राणा

नेपाली कांग्रेसकी केन्द्रीय सदस्य आर्जु राणा देउवाले कांग्रेसले वडा, पालिका, प्रदेश हुदै केन्द्र सम्म नै जनताको गुनासो र समस्या सुन्न र समाधान गर्न समस्या समाधान विभाग बनाउनुपर्ने बताउनुभएको छ ।

उहाँले पार्टी भित्रै एकले अर्कोलाई निकै आलोचना र गुनासो गर्ने प्रचलन बढेको बताउदै अब पार्टीको आन्तरिक समस्या समाधान र जनताको गुनासो समाधानका लागि विभाग बनाउनुपर्ने बताउनुभएको हो ।

देश समस्यामा हुदा त कांग्रेसको सरकारले समस्या समाधान गरेर जनताको हित गर्दै आएको छ भने आफ्नो आन्तरिक समस्यालाई पनि समाधान गर्न आवश्यक रहेको बताउनुभयो ।

उहाँले बुधवार नेपाली कांग्रेस जिल्ला कार्य समिति म्याग्दीले आयोजना गरेको कार्यकर्ता भेटघाट तथा नवनिर्वाचित जनप्रतिनिधिहरुलाई बधाई तथा शुभकामना कार्यक्रम २०७९ को अवसरमा यस्तो बताउनुभएको हो ।

काँग्रेसबाट निर्वाचित भएका जनप्रतिनिधिलाई पाँच वर्षमा हरेक समयमा जनताको साथ दिन आग्रह गर्दै हरेक क्षेत्रमा जनताका समस्या समाधान पहिलो प्राथमिकतामा राखेर काम गर्न आग्रह गर्नुभएको छ । कार्य व्यवस्थापनमा ख्याल गर्दै अगाडि बढ्नुपर्ने आवश्यकता रहेको उहाँले बताउनुभयो ।

‘चुनावको बेलामा अन्तरघाट भयो, भन्ने तर आफुले नै अन्तरघात गर्ने कांग्रेस, यसले पार्टीले जित्दैन, यस्तो समस्याको समाधान गर्न कांग्रेसमा आवश्यक देखिएको छ ।’ उहाँले भन्नुभयो ।

पार्टीका नेता तथा कार्यकर्ताहरुले पनि निर्वाचित भएका जनप्रतिनिधिलाई सहयोग गर्न आवश्यक छ । टिकट नपाउँदाको तित्तताले पार्टी भित्र नै दुर्घटना निम्तने उहाँको भनाई छ ।ब्युरोक्रेसीलाई सुधार्दै अगाडि बढ्नुपर्ने दायित्व जनप्रतिनिधिको भएको र ब्युरोक्रेसी सुध्रिएको खण्डमा सरकारका कामकारबाहीले गतिशिलता पाउने उहाँको भनाई थियो ।

‘उखान टुक्का सुन्न टिलेभिजनमा कमेडि च्याम्पीयन हेरे हुन्छ, कुनै पार्टीको कार्यकर्ता हुन आवश्यक छैन, उहाँले भन्नुभयो, उखान टुक्का सुनाउदै हिड्ने कांग्रेस होईन, कांग्रेस हरेक अप्ठारो परिस्थतीमा देशलाई बचाएको छ ।’

‘नेपाल गरिब देश होइन धनी देश हो । बजेट विनियोजन हुन्छ तर कार्यान्वयन नभएको अवस्था छ । जसले गर्दा योजनाहरु अलपत्र परेका छन् । यस्ता विषयमा फ्लोअप गर्दै अगाडि बढ्न सकेको खण्डमा विकासले गति लिन्छ ।’

कार्यक्रममा अर्जुन जोशीले व्यक्तीलाई नभई पार्टीलाई बिजय गराउन आग्रह गर्नुभयो । उहाँले व्यक्तीबादले पार्टीलाई कमजोर बनाउने बताउनुभयो ।

त्यस्तै कार्यक्रममा नेपाल तरुण दलका अध्यक्ष विद्धान गुरुङले पछिल्लो समयमा कांग्रेस पार्टीमा युवाको आकर्षण बढ्दै गएको बताउनुभयो ।
कार्यक्रममा नेपाली काँग्रेसबाट उम्मेद्धार बनेर जनप्रतिनिधि बन्नुभएकाहरुलाई सम्मान गरिएको थियो ।

पनर्टी सभापती खमबहादुर गर्बुजाको अध्यक्षतामा भएको कार्यक्रममा संविधान सभा सदस्य रेशमबहादुर बानियाँ, भातृ संस्थाका प्रमुख, पालिका तथा प्रदेश कार्यसमितिका अध्यक्षले मतव्य राखेका थिए । कार्यक्रममा केन्द्रीय सदस्यलाई म्याग्दी कांग्रेसले ज्ञापन पत्र समेत बुझाएको छ ।

Related News

रोकिएन असारे विकास : बागलुङमा २० दिनमा २० करोड १८ लाख खर्च
रोकिएन असारे विकास : बागलुङमा २० दिनमा २० करोड १८ लाख खर्च
  • २०७९ असार ८, बुधबार २१:२२

बागलुङ : जब असार लाग्छ, तब विकासका योजनाहरु धमाधम सम्झौता गर्ने र काम देखाउनेतर्फ सरकार लाग्छ। यो पुरानै परम्परा हो। सरकारले...

भूमिहीनलाई जग्गा उपलब्ध गराउन म्याग्दीका पालिका र आयोगबीच सम्झौता
भूमिहीनलाई जग्गा उपलब्ध गराउन म्याग्दीका पालिका र आयोगबीच सम्झौता
  • २०७९ असार ८, बुधबार २१:२२

म्याग्दी : भूमिहीन दलित, भूमिहीन सुकुम्बासी र अव्यवस्थित बसोबास गर्दै आएकालाई जग्गा उपलब्ध गराउन म्याग्दीका स्थानीय तह र राष्ट्रिय भूमि आयोगबीच सम्झौता...

म्याग्दीका  स्थानीय तह : ‘सिप टिकाउने, उत्पादन बिकाउने’ नीति
म्याग्दीका स्थानीय तह : ‘सिप टिकाउने, उत्पादन बिकाउने’ नीति
  • २०७९ असार ८, बुधबार २१:२२

म्याग्दीका सबैजसो स्थानीय तहले स्थानीय जनशक्तिको खपत गरी उत्पादन बढाउने र ती उत्पादनलाई राष्ट्रिय तथा अन्तर्राष्ट्रिय बजारमा बिक्रीको व्यवस्था मिलाउने...

TOP