२०७९ श्रावण २६
August 11, 2022, Thursday

म्याग्दीमा १९औं राष्ट्रिय धान दिवस तथा रोपाइँ महोत्सव मनाइयो

म्याग्दीमा १९औं राष्ट्रिय धान दिवस तथा रोपाइँ महोत्सव मनाइयो

‘धान बालीमा जैविक विविधताको उपयोग, आयात प्रतिस्थापनमा सहयोग’ भन्ने मूल नारासहित आज (बुधवार) म्याग्दीमा पनि राष्ट्रिय धान दिवस मनाइएको छ । बेनी नगरपालिका कृषि शाखाको आयोजनामा १९औं राष्ट्रिय धान दिवस तथा रोपाइँ महोत्सव–२०७९ विविध कार्यक्रमको आयोजना गरी मनाइएको हो । बेनपा–४, सिङ्गास्थित आङ्गेबगरमा आयोजित कार्यक्रमको धान रोपेर उद्घाटन गर्र्दै बेनी नगरपालिकाका प्रमुख सुरत केसीले कृषकहरुलाई कृषि उत्पादनमा जोडौं र जग्गा बाँझो नराखौं भन्ने धान दिवसको उद्देश्य रहेको बताउनुभयो । उहाँले खाली तथा बाँझो रहेका जग्गा जमिनको प्रयोग गरेर कृषि उत्पादन बढाउनुपर्ने भन्ँदै नगरपालिकामार्फत कृषि क्षेत्रलाई प्राथमिकता दिएर बजेट विनियोजन गरिएको बताउनुभयो ।सोही कार्यक्रममा बेनी नगरपालिकाका उपप्रमुख ज्योती लामिछानेले आर्थिक समृद्धि हासिल गर्नका लागि गाउँघरमा त्यत्तिकै खेर गएको जग्गामा आधुनिक प्रणाली अपनाई कृषि खेती गरेर व्यावसायिक बन्नुपर्ने बताउनुभयो । उहाँले धानलगायत खाद्यान्न बालीको साथै रैथाने बालीको संरक्षण गरी उत्पादन बढाउनका लागि युवाहरु जागरुक हुनुपर्नेमा जोड दिनुभयो । बेनी नगरपालिकाका प्रमुख प्रशासकीय अधिकृत धोलकराज ढकालले कृषकलाई प्रोत्साहन गर्न र उनीहरुको मनोबल बढाउनका लागि धान दिवस कार्यक्रमले सहयोग पुग्ने अपेक्षा व्यक्त गर्नुभयो ।कार्यक्रममा स्थानीय कृषकहरुसँगै नगरपालिका र वडाका जनप्रतिनिधि तथा कर्मचारीहरुले पनि धान रोपेका थिए । सोही अवसरमा एकापसमा हिलो छ्यापछ्याप गरेर धान दिवस मनाउनुका साथै रमाइलो पनि गरिएको थियो । कार्यक्रममा नवजागरण महिला नौमती बाजा समूह बेनपा–४, राक्सेका महिलाहरुले बाजा बजाएर थप रौनकता थपिदिएका थिए । बेनी नगरपालिकाको वार्षिक स्वीकृत कार्यक्रमअनुसार १९औं राष्ट्रिय धान दिवस मनाउने कार्यक्रमअन्तर्गत कृषकहरुसँग हातेमालो गर्ने उद्देश्यसहित कार्यक्रमको आयोजना गरिएको कृषि शाखाका प्रमुख आकृति ढुङ्गानाले जानकारी दिनुभयो ।असार १५ लाई नेपाली समाजमा दही चिउरा खाने दिनका रुपमा पनि मनाउने गरिएको छ । यसैबीच १९औं राष्ट्रिय धान दिवस तथा रोपाइँ महोत्सवको अवसर पारेर रघुगंगा गाउँपालिका कृषि शाखाको आयोजनामा पनि दिवस मनाइएको छ । रघुगंगा–३, मौवाफाँटको बरबोट कृषक समूह, देउराली कृषि समूह र मौवाफाँट प्रगतिशिल कृषक समूहसँग समन्वय र सहकार्य गरी राष्ट्रिय धान दिवस मनाइएको रघुगंगा गाउँपालिकाको कृषि शाखा प्रमुख सविना शर्माले बताउनुभयो । म्याग्दीमा यसवर्ष असार १५ सकिनै लाग्दा जिल्लाभर जम्मा २५ प्रतिशत रोपाइँ भएको छ ।म्याग्दीमा कुल ३० हजार ८ सय ५६ हेक्टर खेतीयोग्य जमिन रहेकोमा त्यसमध्ये जम्मा १९ हजार ४ सय ९८ हेक्टरको जमिनमा खेती हुँदै आइरहेको छ । जिल्लामा कुल ३ हजार ८ सय ८५ हेक्टरको जमिनमा धान खेती हुँदै आएकोमा गतवर्ष १३ हजार ३ सय ६० मेट्रिक टन धान उत्पादन भएको कृषि ज्ञान केन्द्र म्याग्दीले जनाएको छ । खेती गरिएको जमिनमध्ये ६ हजार १३ हेक्टर अर्थात् ३० दशमलव ८ प्रतिशत मात्रै सिञ्चित जमिन रहेकोमा १६ सय ८० हेक्टरमा बाह्रै महिना सिँचाइ हुन्छ भने ४ हजार ३ सय ३३ हेक्टर जमिनमा मौसमी सिँचाइ हुने गरेको छ ।

Related News

वैदशिक रोजगारी सम्बन्धविच्छेदको कारक बन्दै
वैदशिक रोजगारी सम्बन्धविच्छेदको कारक बन्दै
  • २०७९ असार १५, बुधबार २०:५०

जिल्ला अदालत बागलुङमा गत आर्थिक वर्ष चारसय ९५ मुद्दा दर्ता भए । ती मुद्दामा दुई सय ३२ सम्बन्धविच्छेदका थिए ।...

लायन्स क्लब अफ बेनी सिटीद्धारा फलफुल गोडमेल तथा वृक्षारोपण
लायन्स क्लब अफ बेनी सिटीद्धारा फलफुल गोडमेल तथा वृक्षारोपण
  • २०७९ असार १५, बुधबार २०:५०

म्याग्दी ।म्याग्दीमा रहेको लायन्स क्लब अफ बेनी सिटीद्धाद्धारा डम्मरामा बृक्षारोपण तथा बराहपाखोमा फलफुलका विरुवा गोडमेल गरिएको छ ।आइतबार सिटीका अध्यक्ष...

राष्ट्रिय जनपक्षीय चलचित्रकर्मी संघ म्याग्दीको अध्यक्षमा किरण कार्की चयन
राष्ट्रिय जनपक्षीय चलचित्रकर्मी संघ म्याग्दीको अध्यक्षमा किरण कार्की चयन
  • २०७९ असार १५, बुधबार २०:५०

म्याग्दी । राष्ट्रिय जनसांस्कृतिक महासंघ अन्तरगतको घटक संगठन राष्ट्रिय जनपक्षीय चलचित्रकर्मी संघ म्याग्दीको अध्यक्षमा किरण कार्की चयन हुनुभएको छ ।...

TOP