Advertisement
- Beni-8 Myagdi Beni Bazar, Myagdi
- gandakipatra78@gmail.com
२०८२ फाल्गुन २
February 14, 2026, Saturday
आउँदो फागुन २१ गते हुने प्रतिनिधि सभा सदस्य निर्वाचनलाई लक्षित गर्दै नेकपा एमाले जिल्ला कमिटी म्याग्दीले शनिबार मंगला गाउँपालिका र बेनी नगरपालिकाको विभिन्न स्थानमा घरदैलो र मतदाता भेटघाट कार्यक्रम गरेको छ ।
शनिबार बिहान मंगला गाउँपालिका–१, पूर्णगाउँमा आयोजित घरदैलो तथा मतदाता भेटघाट कार्यक्रमलाई सम्बोधन गर्दै नेकपा एमालेका केन्द्रीय सदस्य एवं प्रतिनिधि सभामा प्रत्यक्षतर्फका उम्मेदवार हरिकृष्ण श्रेष्ठले स्थानीयबासीको मागलाई पहिलो प्राथमिकता दिएर पूरा गर्ने प्रतिबद्धता जनाउनुभयो ।
‘तपाईहरुको आवश्यकता नजिकबाट हेरेको छु, मैले समस्या समाधानका लागि काम सुरु गरिसकेको छु’ प्रतिनिधिसभा सदस्यका उम्मेदवार श्रेष्ठले भन्नुभयो मंगला गाउँपालिका भित्रका एमालेले विगतदेखि नै काम गर्दै आइरहेको बताउँदै आसन्न निर्वाचनमा आफू र एमाले पार्टीलाई भोट दिएर थप काम गर्ने अवसर दिन उम्मेदवार श्रेष्ठले अनुरोध गर्नुभयो ।
यसैबीच चुनावी अभियान अन्तरगत बेनी नगरपालिका–१० वाखेत, पाल्लेखेत र वडा नं ९ काउँलेगौडामा आयोजित भेटघाट कार्यक्रममा स्थानीय समुदायको मागलाई सम्बोधन गदैं सडक सञ्जाल, शिक्षा, स्वास्थ्य क्षेत्रमा थप काम गर्ने नेकपा एमालेका केन्द्रीय सदस्य एवं आसन्न निर्वाचनको समानुपातिक उम्मेदवार नरदेवी पुनले बताउनुभयो ।
घरदैलो भेटघाटको क्रममा मतदाताहरुले गाउँटोल, वस्तीमा सडक विस्तार, विद्यालय जाने बाटो बनाउन, खानेपानीको योजना सञ्चालन तथा मर्मतसम्भार, किसानहरुलाई अनुदानलगायत सहुलियत दिने जस्ता जनमुखी कार्यक्रमहरु ल्याउनुपर्ने मागहरु एमाले पार्टी र उम्मेदवारसमक्ष राखेका छन् ।
नेकपा एमाले म्याग्दीका अध्यक्ष बालकृष्ण सुवेदीको विशेष उपस्थिति रहेको कार्यक्रम नेकपा एमालेका उपाध्यक्ष प्रमोद श्रेष्ठ, नेकपा एमाले बेनी नगर कमिटीका अध्यक्ष बेलबहादुर कटुवाल लगायतको उपस्थिती रहेको थियो ।
प्रतिनिधि सभा सदस्य निर्वाचनको मिति नजिकिदै जाँदा नेपाली कांग्रेस म्याग्दीका उम्मेदवार कर्णबहादुर (केवि)भण्डारीले मतदाता भेटघाट र प्रचारप्रसार अभियानलाई तिब्र गतिमा...
म्याग्दीको बेनी नगरपालिका-९ गलेश्वरमा अवस्थित प्रमुख तथा प्रसिद्ध धार्मिक तीर्थस्थल गलेश्वर शिवालय मन्दिरमा महाशिवरात्री पर्वमा दर्शन गर्न आउने भक्तजनलाई बहुमूल्य...
नेपाल कम्युनिष्ट पार्टी (एमाले) जिल्ला निर्वाचन परिचालन कमिटी म्याग्दीको आयोजनामा मङ्गलवार अन्नपूर्ण गाउँपालिकामा घरदैलो र मतदाता भेटघाट कार्यक्रम सुरु भएको...
