मुस्ताङबाट पोखरा जाँदै गरेको बस कालिगण्डकीमा खस्दा ४ जना गम्भीर

गण्डकीपत्र डटकम
प्रकाशित मिती: २०७९ फाल्गुन ३, बुधबार ०५:०२

म्याग्दी ।
हिमालपारीको जिल्ला मुस्ताङकोे जोमसोमबाट बुधबार बिहान पोखरातर्फ जाँदै गरेको ना ७ ख ७४४० नम्बरको म्याग्दी कोरला यातायात प्रा.लि.को कालीगण्डकी नदिमा खस्दा चार जना गम्भिर घाइते भएका छन् ।

जोमसोमबाट १७ जना यात्रु लिएर पोखरातर्फ जाँदै गरेको बस राष्ट्रिय गौरवको बेनी–जोमसोम सडकको धम्पुस्थित सडकको बायाँ करिब ५४ मिटर तल खसेको जिल्ला प्रहरी कार्यालय मुस्ताङले जनाएको छ ।

मुस्ताङ प्रहरी नायव उपरीक्षक रविन्द्रनाथ पौडेललेका अनुसार गम्भीर घाइते यात्रुलाई थप उपचारका लागि पोखरा पठाइएको छ भने सामान्य घाइते यात्रुलाई थासाङ–३ स्थित लेते प्राथमिक स्वास्थ्य केन्द्रमा उपचार भइरहेको छ ।