म्याग्दीको बेनी नगरपालिका ९ स्थित ऐतिहासिक ढोलठान दरबारमा राष्ट्रिय झण्डा फहराइएको छ । विक्रम सम्वत १६३१ देखि १८४३ सम्म यहाँ पर्वत राज्यको राजधानी रहेको ऐतिहासिक महत्वको ढोलठानको संरक्षण र पर्यटकीय पूर्वाधार निर्माणसँगै घुम्न आउने पर्यटकलाई आर्कषित गर्न झण्डा तोलन गरिएको हो ।
Advertisement
धबार बेनी नगरपालिकाका मेयर सुरत केसी, उपमेयर ज्योति लामिछानेले संयुक्त रुपमा झण्डा फहराएका छन् । बेनी नगरपालिकाका वडाअध्यक्षहरूको क्लवद्धारा १० वटै वडामा पर्यटकीय क्षेत्रको प्रचारप्रसारमा सहयोग गर्ने अभियान अन्तरगत ढोलठान दरबारमा राष्ट्रिय झण्डा राखिएको वडा अध्यक्ष चक्रबाहादुर केसीको भनाई छ ।
Advertisement
पुरानो दरबार रहेको ठाउँमा मौलिक सीप, कला र स्रोतसाधनको प्रयोग गरेर भौतिक पूर्वाधारलाई प्राथमिकता दिइएको र आगामी दिनमा यस क्षेत्रलाई प्राचिन सभ्यताको सुन्दर गन्तब्य बनाउने गरी प्रदेश सरकारसँग सहकार्य गरी बजेट विनियोजन भइरहेको मेयर सुरत केसीको भनाई छ ।
यस क्षेत्रमा पुराना अभिलेख तथा चिनारीहरुको संरक्षण गरेर राख्न सङ्ग्राहलय बनाउने योजना वडाको रहेको छ । स्थानीयबासीले झण्डाको संरक्षण तथा प्रर्बधन समेत गर्ने प्रतिबद्धता जनाएका छन् ।
राष्ट्रिय झण्डा फहराउने कार्यक्रममा बेनपा–४ का अध्यक्ष अणबहादुर खड्का, बेनपा–६का अध्यक्ष कृष्णसिङ बानियाँ, बेनपा–७ का अध्यक्ष रमेशकुमार श्रेष्ठ, बेनपा–८ का अध्यक्ष उत्तमकुमार कर्माचार्य र बेनपा–१० का अध्यक्ष मसबिर रोका लगायतको उपस्थिति रहेको थियो । ऐतिहासिक महत्वको ढोलठानको संरक्षण र पर्यटकीय पूर्वाधार निर्माण गरिएको छ ।
ढोलठान दरबारको संरक्षण र पूर्वाधार निर्माणा लागि गत आर्थिक वर्षमा भू–तथाजलाधार व्यवस्थापनकार्यालय पर्वत मार्फत ढोलठाना संरक्षण योजनाका लागि १० लाख र पर्यटन तथा उद्योग कार्यालय म्याग्दी मार्फत १० लाख गरेर २० लाख रुपियाँको बजेटमा पर्यटन पूर्वाधार निर्माण गरिएको छ ।
पुरानो दरबार रहेको ठाउँमा मौलिक सीप, कला र स्रोतसाधनको प्रयोग गरेर विश्राम तथा दृश्यावलोकन स्थल, पदमार्ग र प्रवेशद्वार निर्माण गरिएको छ । दरबार प्रवेश गर्नका लागि ढुङ्गाको प्रयोग गरेर मौलिक सीपबाट आकर्षक किसिमको प्रवेशद्धार बनाइएको उपभोक्ता समितिका सचिव याम विश्वकर्माले बताए ।
ढुङ्गा र माटोकोप्रयोग गरेर दुई सय मिटर सिँढी चिनेको पदमार्गका साथै उद्यान र बसेर दृश्यावलोकन गर्न ढुङ्गाको सिँढी सहितको विश्रामस्थल बनाइएको छ । प्रदेश सरकारकै थप १० लाख बजेटबाट उद्यान परिसरलाई संरक्षण गर्न टेवापर्खाल निर्माण गरिएको छ ।
पर्वत राज्य नेपालमा विलयभएको वि.सं. १८४३ सम्म ढोलठानामा सो राज्यको राजधानीका रूपमा रहेको तथ्यहरु फेला परेका छन् । समुन्द्री सतहदेखि एक हजार आठ सय ८० मिटर उचाइमा अवस्थित ढोलठानाबाट धवलागिरि,अन्नपूर्ण, नीलगिरिलगायतदर्जनौंहिमाल, सूर्योदयको मनमोहक दृश्यको अवलोकन गर्न सकिन्छ ।
