२०८३ मंसिर ६
November 22, 2026, Sunday

बेनीमा तिज गीत प्रतियोगिता सम्पन्न

म्याग्दी । राष्ट्रिय संगीतकर्मी संघ म्याग्दीको आयोजनामा हरितालिका तिज पर्व २०८० को पावन अवसरमा जिल्ला स्तरीय खुल्ला तिज गीत प्रतियोगिता शुक्रबार बेनीमा सम्पन्न भएको छ ।

Advertisement

२३ समुहको सहभागीता रहेको प्रतियोगितामा राज कुमार परियार प्रथम, रुपा विटालु द्वित्तिय, मंगला आमा समुह तृत्तिय र शाहिल विश्वकर्माले चौँथो स्थान हासिल गर्नुभएको छ ।

Advertisement

उहाँहरुले क्रमश नगद रु २२ हजार २ सय २२, १५ हजार ५ सय ५५, ७ हजार ७ सय ७७ र ३ हजार ३ सय ३३ रुपैयाँ सहित ट्रफि र प्रमाणपत्र पुरस्कार प्राप्त गर्नुभएको छ ।

विजेताहरुलाई संघका अध्यक्ष गोकुल विश्वकर्मा, प्रमुख अतिथि गण्डकी प्रदेशसभा सदस्य विमला गौचन, बेनी नगरपालिका उपप्रमुख ज्योति लामिछाने लगायतले पुरस्कार वितरण गर्नुभएको थियो । कार्यक्रमको उद्घाटन गर्दै प्रमुख अतिथि गण्डकी प्रदेशसभा सदस्य गौचनले सामाजिक रितिरिवाज, परम्परा र संस्कृतिको जगेर्ना गर्नुपर्ने बताउनुभयो । नेपाली नारीहरुको विशेष पर्व तिज मनाउदा विकृतिजन्य गतिविधि मौलाउदै गएको पाईएकाले त्यसलाई निरुत्साहित गर्नुपर्ने विचार व्यक्त गर्नुभयो ।

त्यस्तै विशिष्ट अतिथि जिल्ला समन्वय समिति म्याग्दीका प्रमुख राजकुमार थापाले कला र संस्कृतिको संरक्षणमा युवाहरुको सक्रियता र भूमिका बढ्नुपर्ने बताउनुभयो । उहाँले महिना दिन अगाडिदेखिनै ठुला होटल तथा पार्टी प्यालेसहरुमा दरखाने कार्यक्रमले तिजको मौलिकतालाई ओझेल पर्दै गएको बताउदै पर्वको महत्व र विशेषतालाई ख्याल गर्न आग्रह समेत गर्नुभयो ।
कार्यक्रममा प्रायोजक संस्था गौमति विकास कोषका अध्यक्ष सन्दिप खत्री (केन), राष्ट्रिय लोक तथा दोहोरी गीत प्रतिष्ठान म्याग्दीका अध्यक्ष ध्रुव जिसी, नेपाल पत्रकार महासंघका अध्यक्ष प्रकाश पौडेल, संघका संस्थापक अध्यक्ष भुपेन बानियाँ, गण्डकी प्रदेश समितिका अध्यक्ष कृष्ण प्रसाद गौतमले मन्यतव्य व्यक्त गर्नुभएको थियो ।

कार्यक्रममा स्रष्टा सम्मान अन्तर्गत म्याग्दीका लोक गायक रवि कार्की, लोक गायीका अमृता श्रीपाल, र बाग्लुङकी लोकप्रीय गायीका सिम्रन परियारलाई सम्मान गरिएको थियो । उहाँहरुलाई कार्यक्रमका प्रमुख अतिथि गण्डकी प्रदेशसभा सदस्य गौचन, जिल्ला समन्वय समितिका प्रमुख थापा र संघका अध्यक्ष विश्वकर्माले दोसल्ला, सम्मानपत्र र नगद सहित सम्मान गर्नुभएको संघका महासचिव गोकुल सुनार बताउनुभयो ।

कार्यक्रममा गायक कार्की, गायीका श्रीपाल र परियार त्यस्तै गण्डकी लोक आईडलका उपविजेता विजय परियार, धवलागिरी लोकतारा शक्ति छिनालले गीत प्रस्तुत गर्नुभएको थियो भने सुस्मिता किसानको समुहबाट नारीको बेदनाले भरिएको आकर्षक नृत्य प्रस्तुत गरिएको थियो ।

कार्यक्रमकै अवसरमा म्याग्दी बालगृहमा रहेका १३ जना बालबालिका र बालजागृति आधारभूत विद्यालय बगुवाखोलामा रहेका वौद्धिक अपांगता विद्यार्थीहरुलाई निशुल्क रुपमा दर समेत खुवाईएको संघका अध्यक्ष गोकुल विश्वकर्माले बताउनुभयो ।
संघले हरितालिका तिज पर्वको अवसरमा वर्षेनी तिज गीत तथा नृत्य प्रतियोगिता संचालन गर्दै आएको छ ।
कार्यक्रम संघका अध्यक्ष विश्वकर्माको अध्यक्षता, कार्यक्रम संयोजक अस्मिता भण्डारीको स्वागत र महासचिव गोकुल सुनारको संचालनमा सम्पन्न भएको थियो ।

Related News

पाउद्धार पहिरोको प्रारम्भिक भौगर्भिक अध्ययन
पाउद्धार पहिरोको प्रारम्भिक भौगर्भिक अध्ययन
  • २०८३ कार्तिक १३, शुक्रबार १:०४

यस वर्षको मनसुनजन्य विपद्बाट म्याग्दीको सबैभन्दा बढी प्रभावित अन्नपूर्ण गाउँपालिका–५ पाउद्धारका पहिरोको प्रारम्भिक भौगर्भिक अध्ययन गरिएको छ ।पाउद्धारसहित अन्नपूर्ण गाउँपालिकाको...

दरबाङ बजारमा सडक कालोपत्रे, फेरियो बजारको स्वरूप
दरबाङ बजारमा सडक कालोपत्रे, फेरियो बजारको स्वरूप
  • २०८३ आश्विन २८, बुधबार ११:०९

म्याग्दी ।  म्याग्दीको मालिका गाउँपालिकाको केन्द्र दरबाङ बजार क्षेत्रको सडक कालोपत्रे गरिएको छ। जिल्लाको दोस्रो ठूलो व्यापारिक केन्द्रका रूपमा रहेको...

बेनीको न्यूरोडमा खुल्यो अल्टिमाको आधिकारिक स्टोर, ग्राहकलाई थाइल्यान्ड भ्रमणदेखि स्कुटरसम्मको अफर
बेनीको न्यूरोडमा खुल्यो अल्टिमाको आधिकारिक स्टोर, ग्राहकलाई थाइल्यान्ड भ्रमणदेखि स्कुटरसम्मको अफर
  • २०८३ आश्विन २८, बुधबार ७:१४

म्याग्दी । अडियो तथा वेयरेबल ब्रान्ड अल्टिमा लाइफस्टाइलले साविक धौलागिरि क्षेत्रका ग्राहकलाई लक्षित गर्दै म्याग्दीको बेनी नगरपालिका–८, न्यूरोडमा आफ्नो आधिकारिक...

TOP
Click to listen highlighted text!