उत्कृष्ट कार्यसम्पादन, प्रभावकारी सेवा प्रवाह तथा नवीन कार्यका लागि म्याग्दी जिल्ला हुलाक कार्यालय ‘नमुना हुलाक कार्यालय’का रूपमा घोषित भएको छ ।
१५२औँ विश्व हुलाक दिवसको अवसरमा सूचना तथा सञ्चार मन्त्रालयअन्तर्गतको हुलाक सेवा विभागले जिल्ला हुलाक कार्यालय, म्याग्दीलाई नमुना हुलाक कार्यालयका रूपमा घोषणा गर्दै कार्यालयका प्रमुख रमेश थापालाई प्रशंसा–पत्र प्रदान गरेको हो ।
Advertisement
Advertisement
कठमाडौँमा भएको कार्यक्रममा नेपाल सरकारा सूचना तथा संचार मन्त्री डा. विक्रम तिमिल्सिनाले उक्त उक्त सम्मान पत्र हस्तातरण गर्नुभएको थियो । हुलाक सेवा विभागका महानिर्देशक मनमायाँ भट्टराई पंगेनी, सूचना तथा सञ्चार मन्त्रालयका सचिव राजेन्द्रकुमार पौडेलको समेत सहभागिता रहेको थियो ।हुलाक सेवाको प्रभावकारिता, गुणस्तर र सेवाग्राहीमैत्री सेवा प्रवाह अभिवृद्धिका लागि उत्कृष्ट कार्यसम्पादन तथा नवप्रवर्तनकारी कार्य गरेको भन्दै सम्मान गरिएको हो ।
अवसरमा प्राप्त यस सम्मानलाई कार्यालयले आफ्नो सेवा प्रवाहमा संलग्न कर्मचारीहरूको मेहनत र सेवाग्राहीको विश्वासको प्रतिफलका रूपमा लिएको थापाको भनाई छ ।
आगामी दिनमा सेवाग्राहीलाई अझ आधुनिक, छरितो र प्रविधिमैत्री सेवा प्रदान गर्न प्रतिबद्ध रहेको जनाएको छ ।
