म्याग्दी ।
अडियो तथा वेयरेबल ब्रान्ड अल्टिमा लाइफस्टाइलले साविक धौलागिरि क्षेत्रका ग्राहकलाई लक्षित गर्दै म्याग्दीको बेनी नगरपालिका–८, न्यूरोडमा आफ्नो आधिकारिक स्टोर सञ्चालनमा ल्याएको छ । एफफोर मोबाइल सपमार्फत सञ्चालनमा आएको स्टोरले ग्राहकका लागि आकर्षक उपहार तथा विशेष अफरसमेत सार्वजनिक गरेको छ । F4 mobile सप मार्फत संचालनमा ल्याईएको र दुबै उक्त स्टोर मार्फत एक हजार रुपैयाँभन्दा बढीको सामान खरिद गर्ने ग्राहकहरूमध्ये एक जोडीलाई थाइल्यान्ड भ्रमण र एक जनालाई टीभीएस एनटर्क स्कुटर जित्ने अवसर प्रदान गरिने सञ्चालक नगेन्द्र बस्नेतले जानकारी दिनुभयो ।
Advertisement
स्टोर उद्घाटनका अवसरमा अल्टिमाका ब्रान्ड एम्बेसडर विविध जंग थापा (MRB) को उपस्थितिमा पहिलो २४ जना ग्राहकले ९९ रुपैयाँमा विभिन्न सामान खरिद गर्ने अवसर पाएका थिए । उद्घाटनको विशेष अफरले ग्राहकको आकर्षण बढाएको छ ।लामो समयदेखि ग्राहकको विश्वास जित्दै आएको एफफोर मोबाइल सपले अल्टिमा लाइफस्टाइलको आधिकारिक स्टोर सञ्चालनमा ल्याएसँगै बेनी तथा आसपासका क्षेत्रका ग्राहकले ब्रान्डका उत्पादन सहज रूपमा खरिद गर्न सक्ने भएका छन् ।
Advertisement
दसैँ–तिहारलाई लक्षित गर्दै स्टोरले विभिन्न आकर्षक अफर तथा पुरस्कारको व्यवस्था गरेको जनाएको छ । उक्त पसलमा अल्टिमाको उत्पादन मात्र नभएर हरेक ब्राण्डका फोनहरु समेत पाहिन्छ । अल्टिमाको सामान खरिद गर्दा १छ प्रतिशत देखि ७५ प्रतिशत सम्म छुट समेत रहेको छ । नयाँ स्टोर सञ्चालनमा आएसँगै ग्राहकलाई आधुनिक अडियो तथा वेयरेबल सामग्री छनोट गर्ने अवसर थपिएको छ । जुनसुकै सामान खरिदमा पनि हात खाली नजाने उपहारको व्यवस्था रहेको संचालक बस्नेतको भनाई रहेको छ।
ग्राहकलाई गुणस्तरीय उत्पादन उपलब्ध गराउनुका साथै चाडपर्वको अवसरमा आकर्षक उपहार र अफरमार्फत खरिद अनुभवलाई थप रोचक बनाउने लक्ष्य रहेको छ ।
