उद्योग बाणिज्य संघको हितकोषमा १ लाख सहयोग

गण्डकीपत्र डटकम
प्रकाशित मिती: २०८० फाल्गुन १९, शनिबार १६:१६

निजि क्षेत्रको छाता संस्था म्याग्दी उद्योग बाणिज्य संघले स्थापना गरेको हितकोषमा एक लाख सहयोग गरिएको छ ।
बेनी नगरपालिका–७ मा रहेको धर्म नारायण ईन्टरप्राईजेजका संचालक तथा संघका बरिष्ठ उपाध्यक्ष समेत रहनुभएको सुविन श्रेष्ठले कोषलाई एक लाख सहयोग गर्नुभएको हो ।

उक्त रकम संघको ३० औं साधारण सभा एवम् १२ औं अधिवेशनको अवसरमा संघका अध्यक्ष बेलबहादुर कटुवाललाई हस्तातरण गर्नुभएको हो । हितकोषबाट संघमा दर्ता भएका जिल्लाका ब्यवसाय संचालकलाई आपतकालिन रुपमा दैविक प्रकोप, आगोलागि, भू–क्षय लगायतका समस्या देखिएमा सो कोषबाट सहयोग गरिने छ ।

आपतकालिन रुपमा ब्यवसायका संचालकमा समस्या देखिएमा ७५ हजार, उद्योगमा क्षति भएमा अधिकत्तम ५० हजार र संघको दर्तामा उल्लेखित संचालका सदस्यलाई केही भएमा २५ हजार रुपैयाको दरमा उपलब्ध गराउने ब्यवस्था रहेको संघले जनाएको छ ।