नेपाली कांग्रेसको १५औँ केन्द्रीय महाधिवेशन तथा म्याग्दी कांग्रेसको आठौँ जिल्ला अधिवेशनअन्तर्गत जिल्लाका वडा, पालिका, प्रदेश र जिल्ला अधिवेशनको मिति तय गरिएको छ । नेपाली कांग्रेस म्याग्दीका सभापति खमबहादुर (खम्बिर) गर्बुजाको सभापतित्वमा बिहीबार बेनपा ७ संगमचोकस्थित पार्टी कार्यालयमा बसेको बैठकले जिल्लाका ४५ वटै वडामा असोज ४ गते वडा अधिवेशन गर्ने निर्णय गरेको हो ।
Advertisement
त्यस्तै, जिल्लाका सबै पालिकामा आश्विन ७ गते पालिका केन्द्रमा अधिवेशन गर्ने तथा असोज १० गते सदरमुकाम बेनीमा प्रदेश र जिल्ला अधिवेशन आयोजना गर्ने निर्णय भएको जिल्ला सचिव भरत बहादुर रकालले जानकारी दिनुभयो । बैठकमा नेपाली कांग्रेसका केन्द्रीय सदस्य रेशमबहादुर बानियाँ, अधिवेशनका लागि केन्द्रले तोकेका निर्वाचन अधिकृत तथा वरिष्ठ अधिवक्ता भूमिश्वर गौतम, जिल्ला कार्यसम्पादन समितिका पदाधिकारी तथा सदस्यहरू, महाधिवेशन प्रतिनिधिहरू, प्रदेश ‘क’ र ‘ख’ का सभापति तथा पालिका सभापतिलगायतको उपस्थिति रहेको थियो ।
Advertisement
नेपाली कांग्रेसको १५औँ केन्द्रीय महाधिवेशन तथा नेपाली कांग्रेस म्याग्दीको आठौँ जिल्ला अधिवेशनको तयारीका सन्दर्भमा बिहीबार पार्टी कार्यालय बेनीमा बैठक सम्पन्न भएको हो।
उक्त बैठकले अधिवेशनलाई व्यवस्थित र निर्धारित समयमै सम्पन्न गराउन जिल्लाका वडा तथा पालिकाहरूमा मतदान अधिकृत खटाउने कार्यसमेत सम्पन्न गरिएको रकालले जानकारी दिनुभयो । अधिवेशनमार्फत पार्टीको स्थानीय तहदेखि जिल्ला तहसम्मको नयाँ नेतृत्व तथा प्रतिनिधि चयनको प्रक्रिया बढेको छ ।
