पीएनजीमाथि नेपालको सानदार जित

गण्डकीपत्र डटकम
प्रकाशित मिती: २०७९ फाल्गुन २५, बिहीबार ११:२५

ब्याटिङ र बलिङ दुवैमा उत्कृष्ट प्रदर्शन गर्दै नेपालले आईसिसी विश्वकप लिग–२ अन्तर्गत त्रिदेसीय सिरिजमा पपुवा न्युगिनी (पीएनजी) माथि सानदार जित निकालेको छ । त्रिवि मैदान कीर्तिपुरमा बिहीबार भएको खेलमा नेपालले पीएनजीलाई ५२ रनले हरायो ।

जितका लागि दुई सय ९८ रनको लक्ष्य पछ्याएको पीएनजी ४७.१ ओभरमा सवै विकेटको क्षतिमा दुई सय ४५ रनमा समेटिएको थियो । पीएनजीका लागि नोर्मान भानुवाले सर्वाधिक ६० रन बनाउनुभयो । ओपनर टोनी उराले ५० रन बनाउनुभयो । यस्तै कप्तान आसाद भालाले ४२, किपलिन डोरिगाले २६, रिले हेकुरेले २० र चार्लेस अमिनीले १४ रन जोड्नुभयो ।

बलिङमा नेपालका सन्दीप लामिछानेले चार विकेट लिनुभयो । दीपेन्द्र सिंह ऐरीले दुई तथा कुशल मल्लले एक विकेट लिनुभयो । जितसँगै नेपालले विश्वकप छनोट सम्भावना कायम राखेको छ ।