२०८१ फाल्गुन ५
February 17, 2025, Monday

मालिकाका एकल महिलालाई अचार बनाउने तालिम

म्याग्दीको पश्चिम भेगमा पर्ने मालिका गाउँपालिकाका एकल महिलालाई आत्मनिर्भर बनाउन अचार बनाउने तालिम सुरु गरिएको छ । ‘राष्ट्रपति महिला उत्थान जीविकोपार्जन सुधार कार्यक्रम अन्तर्गत’ गाउँपालिका भित्रका एकल महिलालाई लक्षित गरी सो तालिम सुरु गरिएको हो । 

Advertisement

गाउँपालिकाका उपाध्यक्ष लक्ष्मीदेवी घर्तीमगर पुनले एकल महिला, फरक क्षमता भएका महिला तथा कोभिड प्रभावित र हिंसापीडित महिलाको लागि व्यावसायिक अचार बनाउने तालिम सुरु गरिएको बताउनुभयो । 

समुदायमा रहेका कुनै न कुनै समस्याबाट पीडित रहेका महिलालाई समावेश गरी तालिम दिएर उहाँहरूलाई पेसा तथा व्यवसायमा आबद्ध बनाई आत्मनिर्भर बनाउने उद्देश्यले तालिम आयोजना गरिएको उहाँको भनाई छ ।

मालिका गाउँपालिकाका अध्यक्ष वेगप्रसाद गर्बुजाले अचार बनाउने तालिमका लागि मात्रै नभएर आफू आत्मनिर्भर हुनका लागि पनि आयोजना गरिएको बताउनुभयो । उहाँले तालिम लिएर सफल महिला उद्यमी बन्नुपर्नेमा जोड दिनुभएको थियो । वडास्तरबाटै लक्षित वर्गका महिला  तालिममा समावेश गरिएकोले सिकेका ज्ञान, सीपलाई कार्यान्वयन गर्नुपर्ने उहाँको भनाई छ । 

मालिका गाउँपालिकाका प्रमुख प्रशासकीय अधिकृत हेमराज काफ्लेले महिलालाई लक्षित गरी सञ्चालित तालिम राष्ट्रपति महिला उत्थान कार्यक्रम अन्तर्गतको कार्यक्रम भएको बताउनुभयो । उहाँले कार्यक्रमको निर्देशिका अनुसार तालिम आयोजना गरी सहभागीलाई तालिममा बोलाइएको बताउँदै ७ दिनको तालिम अवधिभरमा स्थानीयस्तरमा उपलब्ध हुने सामग्रीको प्रयोग गरेर गुणस्तरीय अचार निर्माण गर्नुपर्नेमा जोड दिनुभयो । 

म्याग्दी उद्योग वाणिज्य सङ्घ मालिका एकाइ दरबाङका अध्यक्ष लेकबहादुर पुनले तालिममा सीप सिकेपछि पेसा तथा व्यवसाय सञ्चालन गरेर उद्यमी बन्नुपर्ने बताउनुभयो । महिलाले उत्पादन गरेको अचारको बजारीकरणका लागि आफूहरूले भूमिका खेल्ने र गुणस्तरीय अचार उत्पादन गरेका महिलाको अचार बिक्रीको जिम्मा आफूहरूले लिने उहाँको भनाइ थियो ।

गाउँपालिकाका उपाध्यक्ष पुनको अध्यक्षतामा कार्यक्रम भएको थियो । तालिमको धवलागिरि प्राविधिक शिक्षालय मुस्ताङ, लेतेका प्रशिक्षक प्रदीप गौतमले सहजीकरण गर्नुभएको छ । गाउँघरमा पाइने गोलभेडा, मुला, गाजर, गुन्द्रुक, भटमास, बन्दा, काउली, अमला, कागतीलगायत स्थानीय कच्चा पदार्थको प्रयोग गरेर अचार बनाइने प्रशिक्षक गौतमले बताउनुभयो । 

Related News

माओवादी घटक पार्टीहरुको ध्रुवीकरण, एकता र रुपान्तरणमा जोड
माओवादी घटक पार्टीहरुको ध्रुवीकरण, एकता र रुपान्तरणमा जोड
  • २०७९ चैत्र २३, बिहीबार १६:११

३० औं जनयुद्ध दिवसको अवसरमा म्याग्दीको बेनीमा बुधबार आयोजित शुभकामना आदानप्रदान कार्यक्रमका सहभागीहरुले समान विचार हुने दलहरुको ध्रुवीकरण, एकता र...

आठ सय वर्ष पुरानो गुफाभित्रको लुरी गुम्बा ओझेलमा
आठ सय वर्ष पुरानो गुफाभित्रको लुरी गुम्बा ओझेलमा
  • २०७९ चैत्र २३, बिहीबार १६:११

मुस्ताङको लोघेकर–दामोदरकुण्ड गाउँपालिका–४ मा पर्ने यारामा रहेको ऐतिहासिक महत्वको लुरी गुम्बा ओझेलमा परेको छ । धार्मिक, ऐतिहासिक महत्वका बारेमा प्रचारप्रसार...

पन्ध्र हजार परिचयपत्र कार्यालयमै थन्कियो
पन्ध्र हजार परिचयपत्र कार्यालयमै थन्कियो
  • २०७९ चैत्र २३, बिहीबार १६:११

बागलुङ, सेवाग्राही परिचयपत्र लिन नआएपछि जिल्ला प्रशासन कार्यालय बागलुङमा १५ हजार आठ सय ३८ राष्ट्रिय परिचयपत्र थन्किएका छन् । राष्ट्रिय...

TOP