२०८१ श्रावण ८
July 23, 2024, Tuesday

नगरपालिकाले भाडामा दिएको जग्गाको अवरोध नहटेपछि पत्रकार महासंघको भवन निर्माणमा अन्योल

नेपाल पत्रकार महासंघ म्याग्दीको भवन निर्माण योजना अन्यौल बनेको छ । बेनी नगरपालिकाले महासंघलाई भाडामा लगाएको जग्गाको अवरोध नहटेपछि जेठ ३ गते तय भएको महासंघको अस्थायी भवनको शिलान्यास कार्यक्रम स्थगीत हुन पुगेको छ । महासंघले बुधवार अस्थायी भवन निर्माण योजनाको शिलान्यास कार्यक्रम तय गरेर अतिथिहरुलाई पत्राचार समेत गरिसकेको भएपनि नगरपालिकासंग सम्झौता गरेर भाडा तिर्दै आएको जग्गामा नेपाल कम्युनिष्ट पार्टी (नेकपा)को अवरोध नहटेपछि शिलान्यास कार्यक्रम नै स्थगित गरिएको जनाइएको छ ।

महासंघका सचिब सन्तोष गौतमद्धारा जारी प्रेस विज्ञप्तीमा नगरपालिकाको नाममा रहेको कित्ता नम्बर १४१९ को जग्गामा तीन बर्ष अघि नै सम्झौता भएपनि उक्त जग्गामा रहेको अस्थायी भवन र खाली जग्गा महासंघले अहिलेसम्म उपभोग गर्न नपाएको उल्लेख गरिएको छ । तत्कालिन खाद्य संस्थानको उक्त भवनमा नगरपालिकासंगको सम्झौता अनुसारको पूर्वाधार निर्माण र उपभोग गर्न नेकपा विप्लप समूह म्याग्दीले अवरोध गर्दै आएको महासंघले जनाएको छ ।

भवन शिलान्यासको कार्यक्रम तय गरेर पत्राचार भैसकेको अवस्थामा नेकपा म्याग्दीले जेठ १ गते उक्त जग्गाको सम्वन्धमा रहेको समस्याका बारेमा सरोकारवालासंग आवश्यक छलफल गर्न भनि महासंघलाई पत्राचार गरेपछि मंगलवार जिल्ला प्रशासन कार्यालयमा सर्वपक्षीय बैठक बसेर छलफल भएको थियो । प्रमुख जिल्ला अधिकारी तुलसीराम पौडेलको अध्यक्षतामा नगरप्रमुख सुरत केसी लगायत, प्रहरी, अनुसन्धान कार्यालयका प्रमुख, महासंघ र नेकपाका प्रतिनिधिहरुबिच भएको बैठक कुनै निर्णय विना टुंगीएको र नगरप्रमुख केसीले एक महिनाभित्र जग्गा खाली गर्ने प्रतिबद्धता जनाएपछि भवन शिलान्यास कार्यक्रमलाई तत्काललाई स्थगीत गरिएको महासंघले विज्ञप्ती मार्फत जनाएको छ । भवन अभाबमा नेपाल पत्रकार महासंघको कार्यालय नीजी घरको कोठा भाडामा लिएर सञ्चालनमा रहेको छ ।

Advertisement

Related News

पहिलो साउने सोमबार गलेश्वरमा भक्तजनको भिड
पहिलो साउने सोमबार गलेश्वरमा भक्तजनको भिड
  • २०८० जेष्ठ ३, बुधबार १६:१७

म्याग्दीको बेनी नगरपालिका–९ मा रहेको प्रसिद्ध धार्मिकस्थल गलेश्वरधाममा साउनको पहिलो सोमबार बिहानैदेखि दर्शनार्थीको भीड लागेको छ। गलेश्वर मन्दिरमा दर्शनका लागि...

लोक संगीत चौतारीमा बर पिपल र स्वामी रोपियो
लोक संगीत चौतारीमा बर पिपल र स्वामी रोपियो
  • २०८० जेष्ठ ३, बुधबार १६:१७

म्याग्दी । म्याग्दीका अग्रज लोक दोहोरी गायक स्व. चक्र प्रसाद बानियाँको स्मृतिमा राष्ट्रिय लोक तथा दोहोरी गीत प्रतिष्ठान म्याग्दीले निर्माण...

बेनी नगरको सार्वजनिक सुनुवाई ः पूँजीगत खर्च ८५ प्रतिशत
बेनी नगरको सार्वजनिक सुनुवाई ः पूँजीगत खर्च ८५ प्रतिशत
  • २०८० जेष्ठ ३, बुधबार १६:१७

असार ३१ गते । बेनी नगरपालिकाको चालु आर्थिक बर्ष २०८०÷०८१ मा विकास निमार्ण तर्फको पूँजीगत ८४.९९ प्रतिशत बजेट खर्च गरेको...

TOP