२०८१ असार ३१
July 14, 2024, Sunday

संस्थागत विद्यालयहरुलाई अनेरास्ववियुले माग्यो छात्रवृत्तिको विवरण

म्याग्दी । अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) ले बेनीका संस्थागत विद्यालयहरुमा छात्रवृत्ति प्राप्त गरेका विद्यार्थीको विवरण उपलब्ध गराउन माग गरेको छ ।

Advertisement

बुधबार अनेरास्ववियुका म्याग्दी जिल्ला अध्यक्ष मिलन खत्री नेतृत्वको टोलीले बेनीमा संचालनमा रहेको माउण्ट एभरेष्ट, बेनी बोर्डिङ्ग, लिटिल गार्डेन, बुद्ध एकेडेमी र न्यू वेष्ट प्वाइन्ट आवासीय माध्यमिक विद्यालयलाई छात्रवृत्ति विवरण उपलब्ध गराउन माग गरेको हो ।

अनेरास्ववियु केन्द्रीय कमिटीको निर्देशन अनुसार संस्थागत विद्यालयहरुले जम्मा विद्यार्थी संख्याको १० प्रतिशत छात्रवृत्ति प्रदान गर्नुपर्ने शिक्षा नियमावलीको प्रावधान अनुसार यहाँका विद्यालयले सो नीति अवलम्वन गरेका छन कि छैनन भनेर छात्रवृत्ति प्राप्त गरेका विद्यार्थीहरुको विवरण उपलब्ध गराइदिन हुन अनुरोध गरेको अनेरास्ववियुका जिल्ला अध्यक्ष खत्रीले बताउनुभयो ।
छात्रवृत्ति प्राप्त गरेका विद्यार्थीहरुको विवरण अभिभावकहरुको पहुचमा हुने गरि बिद्यालय परिसर मा फ्लेक्स प्रीन्ट मा टास्न को लागि समेत अनुरोध गरेको छ । साथै उक्त विषयमा बेनी नगरपालिका प्रमुख सुरत केसीलाई ध्यानाकर्षण पत्र समेत बुझाएको अनेरास्ववियुले जनाएको छ ।

“अनेरास्ववियु स्थापना काल देखि नै शैक्षिक परिर्वतन, सामाजिक न्याय र जनजीविकाको सवालमा निरन्तर सशक्त र निर्णायक भूमिकामा उभिदै आईरहेको नेता संगठन हो अध्यक्ष खत्रीले भन्नुभयो” ।

अनेरास्ववियुले समाजमा घटेका हरेक विकृती विसंगती विरुद्धमा सशक्त प्रतिवाद गर्दै आईरहेको र विद्यार्थीहरुको हक अधिकार स्थापित गर्नको लागि निरन्तररुपमा कार्य गर्दै आईरहेकाले आगामी दिनहरुमा विद्यार्थी र विद्यालय केन्द्रित गतिविधिहरुलाई निरन्तरता दिने अध्यक्ष खत्रीको भनाई छ ।

Related News

म्याग्दीको ताकममा पहिरोले एक दम्पत्तीको मृत्यु
म्याग्दीको ताकममा पहिरोले एक दम्पत्तीको मृत्यु
  • २०८० जेष्ठ ३, बुधबार १६:२२

म्याग्दीको धवलागिरी गाउँपालिका–७,ताकममा शुक्रबार बिहान पहिरोले घर पुरिँदा एक दम्पत्तीको मृत्यु भएको छ । ताकमको आरखोलामा गयराती घर माथिबाट खसेको...

म्याग्दीमा पिउने पानीमा दिसाका जीवाणु भेटियो
म्याग्दीमा पिउने पानीमा दिसाका जीवाणु भेटियो
  • २०८० जेष्ठ ३, बुधबार १६:२२

म्याग्दीमा नमुना संकलन गरिएका विभिन्न स्थानमा १४ प्रतिशत पिउने पानीमा दिसाका जीवाणु भेटिएको छ । स्वास्थ्य कार्यालय म्याग्दीले जिल्लाका ५...

मलम्पारमा भाइले दाउरा प्रहार गरेर दाइको हत्या
मलम्पारमा भाइले दाउरा प्रहार गरेर दाइको हत्या
  • २०८० जेष्ठ ३, बुधबार १६:२२

म्याग्दीको धवलागिरी गाउँपालिका– ५ मलम्पारमा भाइको कुटपिटबाट दाइको हत्या भएको छ । मलम्पारको रुटबाङटोलमा गयराती करिब साढे ११ बजे स्थानीय...

TOP