म्याग्दीको बेनी नगरपालिका वडा नं.९ घतानमा शुक्रबार बिहान नेष्ठो समृद्ध लघुवित्त शाखा कार्यालय बेनीमा कार्यरत कर्मचारी सन्तोष पौडेल ऋण असुली गर्न जादा ऋणीबाटै कुटिएका छन् ।
Advertisement
शुक्रबार बिहान साढे १० बजेको समयमा घतानको कोसेपानीमा १७ जना समुहको बैठक चलिरहेको समयमा शाखाका कर्मचारी सन्तोष पौडेलले सदस्य मन कुमारी सुनार संग ऋण तिर्नुपर्ने बिषयमा छलफल हुदै गर्दा सुनारका छोरा सुजन बि.कले एक्कासी घरभित्रबाट हातपात गरि कुटपटि गरेको कार्यालय जनाएको छ ।
शुक्रबार नै उक्त घटनाको बिषयमा नेपाल लघुवित्त बैकर्स संघ म्याग्दी जिल्ला समन्वय समितिले जिल्ला प्रहरी कार्यालयमा कारबाहीको माग गर्दै निवेदन दर्ता गराएको अध्यक्ष लक्ष्मण पाठकले जानकारी दिनुभयो । उहाँका अनुसार जिल्लामा रहेको १५ वटा लघुवित्तको तर्फबाट कारबाहीको माग गर्दै निवेदन दिएको बताउनुभयो ।
नेपाल सरकारबाट घ बर्गको ईजाजत पत्र प्राप्त नेष्ठो लघुवित्तले जिल्लाका विभिन्न गाउँमा समुह बनाई समुहमा उत्पादन मुखी क्षेत्रमा लगानी गर्दै आएको जनाएको छ ।
