म्याग्दी कांग्रेसको जिल्ला सम्मेलन स्थगित

गण्डकीपत्र डटकम
प्रकाशित मिती: २०८० कार्तिक १८, शनिबार १०:०५

नेपाली कांग्रेस जिल्ला कार्य समिति म्याग्दीले आइतबार (कात्तिक १९ गते) गर्ने भनेको जिल्ला सम्मेलन स्थगित भएको जनाएको छ ।

कांग्रेसका जिल्ला सचिव भरतबहादुर रकालका अनुसार केन्द्रदेखि नै तत्कालका लागि कुनै पनि कार्यक्रमम नगर्नु भनेर सर्रकुलेशन आएपछि भोली गर्ने भनिएको जिल्ला सम्मेलन अर्को सूचना नआउदा सम्मका लागि स्थगित गरिएको जनकारी दिनुभयो ।

शुक्रबार राती जाजरकोट केन्द्रविन्दु भएर गएको भुकम्पबाट देश नै शोकमा ढुबेको समयमा यस्ता कार्यक्रमहरु गर्न उचित लागेको थिएन हामीले कार्यक्रम स्थगित गर्ने भनेका थियौँ नेपाली काँग्रेस म्याग्दीका सभापति खमबहादुर गर्बुजाले भन्नुभयो । यो अबस्थामा माथिबाटै कार्यक्रम नगर्ने भनेर सूचना आएका कारणले केही समयपछि गर्ने गरी कार्यक्रम हाललाई स्थगित गरिएको उहाको भनाई छ ।

भोली जिल्ला समन्वय समितिको सभाहलमा हुने भनिएको कार्यक्रम तत्कालका लागि रोकिएको र अर्को सूचना प्रकाशन नहुदा सम्म यही कार्यक्रम नगर्ने कांग्रेसले सामाजिक संजालमा सूचना जारी गर्दै जनाएको छ ।