२०६० चैत ७ गते म्याग्दी सदरमुकाम बेनीमा तत्कालीन नेकपा माओवादी र नेपाली सेनाबिच भएको भिडन्तमा गोली लागेर छियाछिया भएको बिजुलीको पोल बेनी ल्याइँदैछ ।
बेनीको मङ्गलाघाट बजार छेउमा रहेको नेपाली सेनाको तत्कालीन समयमा कालीप्रसाद गण (ई) छेउमा रहेको बिजुलीको पोलमा भिडन्तको क्रममा सयौँ गोली लागी प्वाल परेको अवस्थामा थियो ।
भिडन्तका बेला क्रसफायरमा परी छिया–छिया भएको बिजुलीको उक्त पोल २०६३ सालमा ललितपुरको पाटनढोकास्थित मदन पुरस्कार पुस्तकालय हाताभित्र रहेको यलमाया केन्द्रमा लगेर सुरक्षित गरिएको थियो । पछि म्याग्दीका राजनीतिक दल, अधिकारकर्मी र नागरिक अगुवाले मदन पुरस्कार पुस्तकालयका प्रतिनिधिलाई बारम्बार भेटेर पोल फिर्ता गरिदिन आग्रह गर्दैआएका थिए ।

यसअघि पनि मदन पुरस्कार पुस्तकालयका अध्यक्ष कनकमणि दीक्षितले जिल्ला समन्वय समिति म्याग्दीलाई पत्र लेखी पुस्तकालयमा संरक्षित द्वन्द्वकालीन र ऐतिहासिक महत्त्व राख्ने बिजुलीको पोल बेनी लग्ने व्यवस्था मिलाउन भन्नुभएको थियो । अध्यक्ष दीक्षितले पोल आज बेनी पठाउन लागिएको बताउनुभयो । प्रक्रिया पूरा गरेर बेनी नगरपालिकाका नगर प्रहरी प्रमुख शङ्कर पौडेलको रोहबरमा पठाउन लागिएको जानकारी दिनुभयो ।
पोल फिर्ता ल्याउन लागिएको बिजुलीको पोललाई बेनी नगरपालिका वडा ७ मा बन्न लागेको शान्तिपार्कमा राखिने बताइएको छ । बेनी नगरपालिका प्रमुख सुरत केसीले आज बिहीबार राति सो पोल बेनी ल्याइने जानकारी दिनुभयो । ‘‘धेरै समयको प्रयास र पहलपछि ऐतिहासिक विद्युतीय पोल आज राति बेनी ल्याइनेछ’’ उहाँले भन्नुभयो ।
नेपाल कम्युनिष्ट पार्टी (एमाले) जिल्ला निर्वाचन परिचालन कमिटी म्याग्दीको आयोजनामा मङ्गलवार अन्नपूर्ण गाउँपालिकामा घरदैलो र मतदाता भेटघाट कार्यक्रम सुरु भएको...
आगामी फागुन २१ गते हुने प्रतिनिधि सभा सदस्य निर्वाचनका लागि नेपाली कांग्रेस म्याग्दीबाट उम्मेदवार कर्ण बहादुर भण्डारी (केबी)ले मतदाता प्रत्यक्ष...
आगामी फागुन २१ गते हुने प्रतिनिधि सभा सदस्य निर्वाचनका लागि नेपाली कांग्रेस म्याग्दीबाट उम्मेदवार कर्ण बहादुर भण्डारी (केबी) सोमबार अन्नपूर्ण...