२०८१ असार ३१
July 14, 2024, Sunday

धवलागिरी गाउँपालिकामा चौथो राष्ट्रपति रनिङ शिल्ड प्रतियोगिता

बेनी । म्याग्दीको धवलागिरी गाउँपालिकामा गाउँपालिका स्तरीय चौथो राष्ट्रपति रनिङ शिल्ड सुरु भएको छ । वडा नम्बर ७ स्थित सिवाङमा हेम नमुना आवासीय मावि परिसरमा शुरु भएको प्रतियोगिताको प्रतिनिधिसभा सदस्य खमबहादुर गर्बुजा ‘खम्बिर’ले उद्घाटन गर्नुभयो । ४ गते सम्मसञ्चालन हुने प्रतियोगितामा ११ वटा विद्यालय सहभागि रहेका धवलागिरी गाउँपालिकाको शिक्षा शाखाका प्राविधिक सहायक ख्यामराज सुवेदीले बताउनुभयो ।

Advertisement

उहाँका अनुसार,एथलेटिक्स र भलिबल बिधाका खेलमा विद्यार्थीहरुबीच प्रतिस्पर्धा गराईने गाउँपालिकाले जनाएको छ । प्रतियोगितामा प्रथम हुने विद्यालयलाई राष्ट्रपति रनिङ शिल्ड, मेडल र प्रमाणपत्र सहित साठी हजार रुपैयाँ नगद पुरस्कार प्रदान गरिने भएको छ । दृतिय चालीस हजार रुपैयाँ र तृतीयले तीस हजार पुरस्कार प्राप्त गर्ने गाउँपाकिलाका प्रमुख प्रशासकीय अधिकृत कृष्णप्रसाद सुवेदीले जानकारी दिनुभयो ।

मार्च पासमा उत्कृष्ट जनकल्याण माविलाई दश हजार रुपैयाँ नगद पुरस्कार प्रदान गरिएको छ । भने छात्र र छात्रा भलिबलमा बिजयी हुनेलाई पाँच÷पाँच हजार रुपैयाँ तथा सहभागी विद्यालयलाई सहभागी खेल र संख्याका आधारमा यातायात र सुविधा उपलब्ध गराइने गाउँपालिकाले जनाएको छ ।प्रतियोगिताको उद्घाटन गर्दै प्रतिनिधिसभा सदस्य गर्वुजाले गर्वुजाले खेलक्षेत्रको विकास र नयाँ प्रतिभाको पहिचान गर्न प्रतियोगिताले सहयोग पुग्ने बताउनुभयो । उहाँले विद्यार्थीलाई अनुशासीत बनाउन समेत खेलकुदले सिकाउने बताउँदै खेलाडीहरुले समाज, राष्ट्रका लागि योगदान गर्न सक्ने भएकाले विद्यार्थी उमेरदेखि नै खेलकुदमा सक्रिय हुन आग्रह गर्नुभयो ।

स्थानीय, प्रदेश र संघीय सरकारले खेलकुद क्षेत्रलाई प्राथमिकतामा राखेको बताउँदै उहाँले विद्यार्थीहरुलाई गलत बाटोमा जानबाट रोक्न खेलकुदले रचनात्मक भुमिका खेल्ने बताउनुभयो । साथै उहाँले लुलाङ–गुर्जा सडकलाई संघबाट दुई करोड विनियोजन भएको बताउनुभयो । आयोजना निर्माणलाई पुर्णता दिन बजेट विनियोजनको लागि पहल गर्ने बताउनुभयो । साथै उहाँले बेनी–दरवाङ–ढोरपाटन हुँदै रुकुुम जोड्ने सडकलाई मध्य पहाडी लोकमार्गको बागलुुङ–रुकुुम सडकको विकल्प बनाउने योजना अघि सारिएको बताउनुुभयो । ‘बागलुुङबाट भन्दा म्याग्दीबाट ढोरपाटन हुुदै रुकुुम जोड्ने सडक करिब ७० किलोमिटर छोटो हुुन्छ’,उहाँले भन्नुुभयो ‘जलजला क्षेत्रमा नयाँ सडक खनेमा ढोरपाटनसँग जोडिन्छ । यसको लागि मैले पहल थालिसकेको छु ।’

गाउँपालिकाका अध्यक्ष प्रेमप्रसाद पुनले प्रतियोगिताले खेलप्रतिभाको पहिचान गर्नमा सहयोग पुग्ने बताउनुभयो । उहाँले खेल क्षेत्रको पुर्वाधार विकासका लागि गाउँपालिकाले थप सहयोग गर्ने समेत प्रतिवद्धता जनाउनुभयो । स्रोत व्यक्ति गिरिप्रसाद छन्त्याल र नगेन्द्र मल्लको सञ्चालन र कार्यपालिकाको सामाजिक विकास समितिका संयोजक देवेन्द्र रोकाको स्वागत मन्तब्यमा कार्यक्रम सम्पन्न भएको थियो ।

गाउँपालिकाका उपाध्यक्ष रेशम पुनमगरले समापन गर्नुभएको कार्यक्रममा जिल्ला खेलकुद विकास समितिका अध्यक्ष दिनेश केसी, हेम माविमा प्रअ सेरबहादुर केसी ,कांग्रेस म्याग्दीका नेता बलभद्र ढकालले लगायतले मन्तब्य व्यक्त गर्नुभएको थियो । हेम नमुना आवासीय माविका महिला शिक्षकहरुले नृत्य प्रस्तुत गर्नुभएको थियो । पहिलो दिन पन्ध्र सय मिटर र चार सय मिटर दौड सम्पन्न भएको छ । छात्र–छात्रा भलिबल प्रतियोगिता शुरु भएको छ ।

Related News

म्याग्दीको ताकममा पहिरोले एक दम्पत्तीको मृत्यु
म्याग्दीको ताकममा पहिरोले एक दम्पत्तीको मृत्यु
  • २०८० पुष ३, मंगलवार ०४:५१

म्याग्दीको धवलागिरी गाउँपालिका–७,ताकममा शुक्रबार बिहान पहिरोले घर पुरिँदा एक दम्पत्तीको मृत्यु भएको छ । ताकमको आरखोलामा गयराती घर माथिबाट खसेको...

म्याग्दीमा पिउने पानीमा दिसाका जीवाणु भेटियो
म्याग्दीमा पिउने पानीमा दिसाका जीवाणु भेटियो
  • २०८० पुष ३, मंगलवार ०४:५१

म्याग्दीमा नमुना संकलन गरिएका विभिन्न स्थानमा १४ प्रतिशत पिउने पानीमा दिसाका जीवाणु भेटिएको छ । स्वास्थ्य कार्यालय म्याग्दीले जिल्लाका ५...

मलम्पारमा भाइले दाउरा प्रहार गरेर दाइको हत्या
मलम्पारमा भाइले दाउरा प्रहार गरेर दाइको हत्या
  • २०८० पुष ३, मंगलवार ०४:५१

म्याग्दीको धवलागिरी गाउँपालिका– ५ मलम्पारमा भाइको कुटपिटबाट दाइको हत्या भएको छ । मलम्पारको रुटबाङटोलमा गयराती करिब साढे ११ बजे स्थानीय...

TOP