Advertisement
- Beni-8 Myagdi Beni Bazar, Myagdi
- gandakipatra78@gmail.com
२०८२ फाल्गुन २८
March 12, 2026, Thursday
पर्वतको जलजला गाउँपालिकामा (शनिवार)देखि जनप्रतिनिधि र कर्मचारीहरुको क्षमता विकास सम्बन्धी तालिम सुरु भएको छ । प्रभावकारी सेवा प्रवाहको लागि जलजला गाउँपालिकाका जनप्रतिनिधिहरु र कर्मचारीहरुको क्षमता विकास गर्न तालिम सञ्चालन गरिएको हो ।
स्थानीय विकास प्रशिक्षण प्रतिष्ठान र जलजला गाउँपालिका लामाखेत पर्वतको संयुक्त आयोजनामा सुरु भएको तालिमको जिल्ला समन्वय समिति पर्वतका प्रमुख विष्णुराम विश्वकर्माले उद्घाटन गर्नुभयो । उद्घाटनपछि तालिमलाई सम्बोधन गर्दै उहाँले जलजला गाउँपालिकालाई समृद्ध र उन्नत बनाउन सकिने बताउँदै यसका लागि जनप्रतिनिधि र कर्मचारी एक भएर लाग्नुपर्ने बताउनुभयो ।
जिसस प्रमुख विश्वकर्माले गाउँपालिकाको विकासका लागि जनप्रतिनिधि र कर्मचारीहरुबीच नङ र मासुको जस्तै सम्बन्ध हुनुपर्ने बताउँदै जनताको सेवालाई पहिलो प्राथमिकता दिएर सेवाप्रवाह गर्नुपर्नेमा जोड दिनुभयो । जिल्ला समन्वय समिति पर्वतका उपप्रमुख सोमबहादुर जिसीले स्थानीय तह जनताको सबैभन्दा नजिकको सरकार भएकाले सेवा प्रवाह चुस्त, दुरुस्त र नागरिकमैत्री हुनुपर्ने बताउनुभयो । पर्वतका प्रमुख जिल्ला अधिकारी प्रेमप्रसाद आचार्यले तालिमले जनप्रतिनिधि र कर्मचारीहरुको क्षमता अभिवृद्धिमा सहयोग पु¥याउने बताउनुभयो ।
तीन दिनसम्म चल्ने तालिममा सकारात्मक सोच, स्थानीय तहको वित्तीय स्रोत र राजश्व अधिकारका क्षेत्रहरु, वार्षिक योजना र मध्यकालीन खर्च संरचनाको अन्तरसम्बन्ध, नेतृत्व सिप विकास, जनप्रतिनिधि र कर्मचारी बीचको अन्तरसम्बन्ध विकास, योजना अनुगमन तथा मूल्याङ्कनमा जनप्रतिनिधिहरुको भूमिका, राजश्व सुधार योजना, सम्पति कर कार्यान्वयन, स्थानीय तहका पदाधिकारीहरुको काम, कर्तव्य र जिम्मेवारी, वैठक व्यवस्थापन र निर्णय प्रक्रिया, संघ–प्रदेश र स्थानीय तहको अन्तरसम्बन्ध, योजनाको अवधारणा तथा स्थानीय तहको योजना तर्जुमा र सिफारिस प्रक्रियाको विषयमा सहजीकरण गरिने आयोजकले जनाएका छन् ।
तालिममा स्थानीय विकास प्रशिक्षण प्रतिष्ठानका निर्देशक जयकृष्ण श्रेष्ठ, उपनिर्देशक हरिकृष्ण कोईराला, व्यवस्थापन अधिकृत योगमाया सापकोटा, कम्प्युटर अधिकृत रामहरि खत्री, लेखा अधिकृत चञ्चलाकुमारी अधिकारी र सकारात्मक सोचका प्रशिक्षक विश्वरमणले सहजीकरण गरिरहनुभएको छ । तालिममा गाउँपालिकाका जनप्रतिनिधि तथा कर्मचारीसहित ८५ जनाले सहभागिता जनाएका छन् ।
तालिमको उद्घाटनसत्रमा नेपाली कांग्रेस जलजला गाउँपालिकाका सभापति ईन्दु शर्मा, नेकपा माओवादी केन्द्रका जलजला इन्चार्ज लोकराज आचार्य र स्थानीय विकास प्रशिक्षण प्रतिष्ठानका निर्देशक जयकृष्ण श्रेष्ठले मन्तव्य व्यक्त गर्नुभएको थियो । तालिमको उद्घाटनसत्र जलजला गाउँपालिकाका अध्यक्ष राजुप्रसाद आचार्यको अध्यक्षता, उपाध्यक्ष दीपक आचार्यको स्वागत र सूचना अधिकारी भेषनाथ आचार्यको सञ्चालनमा सम्पन्न भएको थियो ।
नेकपा एमालेका म्याग्दीका प्रतिनिधीसभा सदस्यका उमेद्वार हरिकृष्ण श्रेष्ठले आफ्नो प्रमुख प्रतिस्पर्धी नेपाली काँग्रेस भएको बताउनुभएको छ । Advertisement ग्रामिण क्षेत्रका...
बेनी, १७ फागुन । यही फागुन २१ गते हुने प्रतिनिधि सभा सदस्य निर्वाचनका लागि नेपाली काँग्रेस म्याग्दीबाट प्रतिनिधीसभा सदस्यका उमेद्वार...
नेपाली कम्युनिष्ट पार्टीका उमेद्वार अर्जुन थापाले म्याग्दीमा निर्माणाधिन र निर्माण सम्पन्न भएका जलविद्युत आयोजनामा प्रभावित क्षेत्रका बासिन्दाको सेयर लगानीको अधिकारलाई...
