बेनी, । डिभिजन वन कार्यालय म्याग्दीले जिल्लाका सुरक्षा निकायलाई अग्नी नियन्त्रण सामग्री हस्तान्तरण गरेको छ ।
Advertisement
सुख्खा यामसँगै वन जंगलमा लाग्ने डढेलो र आगोलागी नियन्त्रणमा खटिने नेपाल प्रहरी, नेपाली सेना र शसस्त्र प्रहरी बललाई सामग्री सहयोग गरेको कार्यालयले जनाएको छ । प्रमुख जिल्ला अधिकारी लक्ष्मण ढकालको उपस्थितिमा भएको वन डढेलो नियन्त्रण समितिको बैठकमा सामग्री हस्तान्तरण गरिएको डिभिजन वन अधिकृत बिष्णुप्रसाद अधिकारीले बताउनुभयो ।
Advertisement
५÷५ थान स्वाटर, ३÷३ जोर मोजा, ५÷५ थान सिम्पल क्याप मास्स, ५÷५ थान बेल्चा, ३÷३ जोर फुल बल्याक लेजर बुट, ५÷५ थान सेफ्टी हेलमेट, ५÷५ जोर बटम जम्प सुट सहयोग गरिएको छ । ५÷५ थान रेक हो उइट आइरन हेण्डल, ५÷५ थान रेक उइथ हेण्डल, २÷२ थान ब्याक प्याक वाटर पम्प र ५÷५ जोर पञ्चा उपलब्ध गराइएको अधिकारीले बताउनुभयो ।
सुुख्खा यामसँगै डढेलो लाग्न थालेको छ । घाँस पलाउने वाहना, अवैध शिकार र आगोको जथाभावि प्रयोगले वनजंगलमा डढेलोको जोखिम बढेको छ । रुख बिरुवा, जडिवुटी, वन्यजन्तु र पंक्षीको वासस्थान डढेलोबाट नष्ट हुुने गरेको छ ।
