म्याग्दीको सामाजिक विकास कार्यालय म्याग्दीले सडक आश्रित मानवको उद्धारमा सक्रिय भएको छ । बिहिबार पुनः एक भारतीय नागरिकको उद्धार गरेको छ । जिल्लाको बेनी बजारमा सडक पेटीमा बस्ने र माग्दै हिड्ने भारतका एक जना अन्दाजी ४२ बर्षका नागरिकलाई उद्धार गरी मानव सेवा आश्रम बागलुङमा पठाईएको अल्पकालीन सेवा केन्द्र म्याग्दीकी साधना केसीले जानकारी दिनुभयो ।

सामाजिक विकास कार्यालय म्याग्दीको पहलमा उक्त भारतीय नागरिकलाई बेनीबाट उद्धार गरी बागलुङ आश्रममा पुराएको सामाजिक विकास कार्यालयका प्रमुख रमेश थापाले बताउनुभयो । उहाँका अनुसार कार्यालयको पहलमा हाल सम्म बेनीबाट ४२ जनाको उद्धार गरी आश्रम पठाईएको छ ।

यो आर्थिक बर्षमा मात्र ७ जनाको उद्धार गरी आश्रम र आफन्तको जिम्मा लगाईएको केन्द्रकी कार्यालय जनाएको छ । विहिबार उद्धार गरीएका नागरिकका लागि बेनी नगरपालिका वडा नं. ७ का अध्यक्ष रमेश श्रेष्ठ, रिक म्याग्दीका अध्यक्ष दिपक पौडेले समेत सहयोग गर्नुभएको थियो ।

Advertisement