म्याग्दीको रघुगंगा गाउँपालिकाले चालु आर्थिक बर्ष २०८२/०८३ का लागि छनौट भएका योजनाहरुमध्ये २ करोड ४९ लाख २० हजार रुपैयाँ बजेट बराबरको योजना तथा कार्यक्रम संशोधन गरेको छ ।

सोमबार गाउँपालिकाको केन्द्र मौवाफाँटमा सम्पन्न २० औँ गाउँसभाले विभिन्न योजना तथा कार्यक्रमका लागि १९ औँ गाउँसभाबाट विनियोजन भएको बजेटलाई संशोधन तथा गाउँपालिकाको आन्तरिक स्रोतबाट थप ७ लाख २० हजार रुपैयाँ बराबरको बजेट विनियोजन गरेको छ ।

सभामा गाउँपालिका अध्यक्ष भबबहादुर भण्डारीले प्रस्तुत गर्नुभएको गत आर्थिक बर्षको यथार्थ आय व्यय विवरण तथा चालु आर्थिक बर्षको नीति तथा कार्यक्रम र बजेटमाथिको संक्षिप्त समिक्षात्मक प्रगति विवरण र उपाध्यक्ष प्रेमकुमारी पुनले प्रस्तुत गर्नुभएको संशोधन प्रस्ताब छलफल सहित पारित भएको गाउँपालिकाका प्रमुख प्रशासकीय अधिकृत कुलराज पौडेलले जानकारी दिनुभयो ।गत असार ५ गते सम्पन्न भएको १९ औँ गाउँसभाबाट चालु आर्थिक बर्ष २०८२/०८३ का लागि ५१ करोड ७८ लाख ४० हजार रुपैयाँ बराबरको अनुमानित बजेट स्वीकृत गरिएकोमा पुस १० गतेसम्म संघीय सरकार र प्रदेश सरकारको अनुदान तथा आन्तरिक स्रोतबाट समेत गरेर २८ करोड ३६ लाख ८५ हजार रुपैयाँ राजश्व तथा अनुदान संकलन भएर परिचालन भएको पालिका अध्यक्ष भण्डारीले जानकारी दिनुभयो ।

गाउँपालिकाले पुस १० गतेसम्म चालु खर्चतर्फ ३७ करोड २५ लाख रुपैयाँ बजेटमध्ये ९ करोड २४ लाख र पुँजीगततर्फ १४ करोड ५३ लाख रुपैयाँ बजेटमध्ये १ करोड ८६ लाख बजेट खर्च गरेको छ । गाउँपालिकाले चालु आर्थिक बर्षको हालसम्म जम्मा १२ दशमलब ८० प्रतिशत वित्तिय प्रगति हाँसिल गरेको छ । जेनजी आन्दोलनले सिजृत परिस्थिति, संघीय सरकारको अस्थिरताका कारण बजेट कार्यान्वयन सम्बन्धी निर्देशिकामा ढिलाई र द्धिविधा उत्पन्न हुनु र उपभोक्ता समिति गठनमा ढिलाई हुँदा बजेट कार्यान्वयनमा सुस्तता आएकाले कार्यतालिका बनाएर योजना तथा कार्यक्रमको कार्यान्वनयमा जुट्नुपर्ने पालिका अध्यक्ष भण्डारीले बताउनुभयो ।सभाले चालु योजनाहरूको प्रगति मूल्याङ्कन गर्दै बाँकी अवधिका लागि बजेट परिमार्जन र विकासका नयाँ प्राथमिकताहरू समते पारित गरेको छ।
आउँदो फागुन २१ गते हुने प्रतिनिधि सभा सदस्य निर्वाचनलाई लक्षित गर्दै नेकपा एमाले जिल्ला कमिटी म्याग्दीले शनिबार मंगला गाउँपालिका र...
प्रतिनिधि सभा सदस्य निर्वाचनको मिति नजिकिदै जाँदा नेपाली कांग्रेस म्याग्दीका उम्मेदवार कर्णबहादुर (केवि)भण्डारीले मतदाता भेटघाट र प्रचारप्रसार अभियानलाई तिब्र गतिमा...
म्याग्दीको बेनी नगरपालिका-९ गलेश्वरमा अवस्थित प्रमुख तथा प्रसिद्ध धार्मिक तीर्थस्थल गलेश्वर शिवालय मन्दिरमा महाशिवरात्री पर्वमा दर्शन गर्न आउने भक्तजनलाई बहुमूल्य...



