डोटीमा मतदान स्थलमा गोली चल्यो

शिखर समाचार
प्रकाशित मिती: २०७९ मंसिर ४, आईतवार १२:२७

दिपायल – डोटीको मतदान स्थलमा झडपको स्थिति सृजना भए पछि गोली चलेको छ । जिल्लाको शिखर नगरपालिका – ८ स्थित राधाकृष्ण माविमा रहेको मतदान केन्द्रमा मतदान गर्ने क्रममा मतदान स्थल भित्र विवाद भएपछि स्थिति सामान्य गर्न प्रहरीले ४ राउण्ड गोली चलाएको हो ।

केही समय विवाद हुँदा दुई पक्षबीच झडपको स्थिति सृजना भए पछि भीड तितरबितर पार्न ४ राउण्ड हवाई फायर गरिएको मतदानको सुरक्षाका लागि खटिएका प्रहरी नायव निरीक्षक भीम बोहराले जानकारी दिनु भयो।

केही समयका लागि मतदान प्रक्रिया रोकिए पनि स्थिति सामान्य भए पछि मतदान पुनः सुरु भएको जनाइएको छ। १७ सय मतदाता रहेको उक्त मतदान स्थलमा ५०६ मत खसेको छ। अहिले मतदान जारी रहेको प्रहरीले जनाएको छ।