अघिअघि बम, पछिपछि ओली

शिखर समाचार
प्रकाशित मिती: २०७९ मंसिर ६, मंगलवार २०:१८

दिपायल – डोटी प्रदेश सभा (ख) मा नेकपा एमाले र नेकपा ( माओवादी केन्द्र ) का बीच रोचक प्रतिस्पर्धा भइरहेको छ। “ख” मा नेकपा माओवादी केन्द्रका शिव सिंह ओली र एमालेका टेक बम बीच प्रतिस्पर्धा भइरहेको छ।

सुरुवातमा अग्रता लिएका माओवादी केन्द्रका उम्मेदवार ओली बीचमा पछि परेका थिए । पछिल्लो मतपरिणाम अनुसार एमाले उम्मेदवार बम अघिअघि छन् भने माओवादीका ओली पछिपछि छन् ।

१६ हजार २४७ मत गणना हुँदा बमले ७ हजार ४८४ मत प्राप्त गरेका छन् भने ओलीले ७ हजार ३८१ मत प्राप्त गरेका छन् । राप्रपाका मोहन बहादुर बमले ५४२ मत प्राप्त गरेका छन् । ८३९ मत बदर भएका छन् ।