प्रदेश “ख” मा रोचक प्रतिस्पर्धा : ११३ मत सहित अघि लागे ओली, पछ्याउँदै बम

शिखर समाचार
प्रकाशित मिती: २०७९ मंसिर ७, बुधबार ०५:१५

दिपायल- डोटी प्रदेश सभा (ख) मा नेकपा एमाले र नेकपा ( माओवादी केन्द्र ) का बीच रोचक प्रतिस्पर्धा भइरहेको छ। “ख” मा नेकपा माओवादी केन्द्रका शिव सिंह ओली र एमालेका टेक बम बीच प्रतिस्पर्धा भइरहेको छ।

सुरुवातमा अग्रता लिएका माओवादी केन्द्रका उम्मेदवार ओली बीचमा पछि परेका थिए । पछिल्लो मतपरिणाम अनुसार ओली ११३ मत सहित अघि लागेका छन् । उनलाई एमाले उम्मेदवार बमले पछ्याउँदै छन् । सुरुवात देखि थोरै मतान्तरले ओली र बम अघि पछि हुँदै आएका छन् ।

२२ हजार ७१४ मत गणना हुँदा ओलीले १० हजार २९३ मत प्राप्त गरेका छन् भने बमले १० हजार १८२ मत प्राप्त गरेका छन् ।
राप्रपाका मोहन बमले ९५८ मत प्राप्त गरेका छन् भने १ हजार २८१ मत बदर भएका छन् ।