म्याग्दीको सदरमुकाम बेनीमा शुक्रबारदेखि जिल्लास्तरीय आठौँ राष्ट्रपति रनिङशिल्ड हुने भएको छ । जिल्ला खेलकुद विकास समिति म्याग्दीको आयोजनामा भएको प्रतियोगिताको प्रतिनिधिसभा सदस्य खमबहादुर गर्बुजा खम्बीरले उद्घाटन गर्नुभयो ।प्रमुख अतिथि गर्बुजाले खेलकुद र राजनीति एउटै भएकाले एकपटक पराजित भएपनि मेहनत गरेर जित्न सकिने बताउनुभयो ।उहाँले जिल्लाबाट छनौट भएका खेलाडीको प्रोत्साहनका लागि आवश्यक सहयोग गर्ने बताउनुभयो ।
Advertisement
खेलमा सफल भएपनि राजनीतिमा सफल हुन धेरै मेहनत गरेको बताउँदै प्रमुख अतिथि गर्बुजलो खेलाडी खेलमा सहभागी हुनु नै विजय सरह भएको बताउनुभयो ।कार्यक्रममा गण्डकी प्रदेश सभा सदस्य बिमला गौचन, प्रमुख जिल्ला अधिकारी तुलसीराम पौडेलले मन्तब्य राख्नुभएको थियो ।
Advertisement
उद्घाटन कार्यक्रममा जिल्ला समन्वय समितिका प्रमुख राजकुमार थापा, अन्नपूर्ण गाउँपालिका अध्यक्ष भरत पुन, मंगला गाउँपालिका उपाध्यक्ष पे्रमकुमारी अधिकारी, रघुगंगा गाउँपालिका उपाध्यक्ष प्रेमुकुमारी पुन लगायतको उपस्थिती रहेको थियो ।कार्यक्रममा गण्डकी प्रदेश कप विजेता महिला भलिबल टोलीलाई सम्मान गरिएको थियो ।
शनिबार सम्म चल्ने प्रतियोगितामा जिल्लाका ६ वटै पालिकाका खेलाडीको सहभागिता रहेको छ। रनिङशिल्डमा भलिबल, कबड्डी, कराते र एथलेटिक्ससमा पालिकास्तरीयबाट सहभागि विद्यार्थीबीच प्रतिस्पर्धा गराईने जिल्ला खेलकुद विकास समितिका अध्यक्ष दिनेश केसीले बताउनुभयो ।हरेक पालिकाबाट विभिन्न विद्याका ८० भन्दा बढी विद्यार्थी प्रतियोगितामा सहभागि छन् ।
आठौ राष्ट्रपतिकपमा प्रथम, द्वितिय र तृतिय हुने पालिकाले क्रमश ः २० हजार, १५ हजार र १० हजार रुपैयाँ सहित ट्रफी र प्रमाणपत्र पुरस्कार प्रदान गरिने छ । जिल्लास्तरीय रनिङशिल्डमा उत्कृष्ट हुने विद्यार्थीले फागनु २० र २१ गते पोखरामा हुने प्रदेशस्तरीय राष्ट्रपति कपमा सहभागि हुने छन् । प्रदेशमा म्याग्दी जिल्लाबाट ८८जना खेलाडी सहभागि गराईने छ।
