अन्नपूर्णका ३५ जना सहिद परिवार र द्धन्द्ध पिडितलाई सम्मान

गण्डकीपत्र डटकम
प्रकाशित मिती: २०८१ असार २२, शनिबार ०३:०१

म्याग्दीको अन्नपूर्ण गाउँपालिकाले पालिका भित्रका ९ जना सहित परिवार र २६ जना द्धन्द्ध पिडितहरुलाई सम्मान गरेको छ ।
गाउँपालिकाको केन्द्र पोखरेबगरमा आयोजना गरिएको एक कार्यक्रममा द्धन्द्ध पिडितहरुसंग अन्तरक्रिया कार्यक्रममा उनीहरुलाई सम्मान गरिएको हो ।

नेपालको राजनितिक र सामाजिक परिर्वतनको जग मानिएको दश बर्षे शसस्त्र जनयुद्ध लगायत अन्य आन्दोलनहरुमा साहदत प्राप्त गरेका र पिडित भएकाहरुलाई सम्मान गरिएको गाउँपालिकाका प्रमुख प्रशासकीय अधिकृत अमृत सुबेदीले जानकारी दिनुभयो ।

गाउँपालिका अध्यक्ष भारकुमार पुन र उपाध्यक्ष दिवा तिलिजा पुन र प्रमुख प्रशासकीय अधिकृत सुवेदी वडा अध्यक्ष कार्यपालिका सदस्यहरुले सम्मान पत्र प्रदान गरेका थिए ।

धन बहादुर पाईजाले मन्तब्य व्यक्त गर्नुभएको कार्यक्रममा दन्द्ध पिडित राष्ट्रिय सञ्जालका महासचिव सुरेन्द्र खत्री र दन्द्ध पिडित महिला सञ्जाल म्याग्दी प्रतिनिधि सुजता खत्रीले प्रस्तुतिकरण गर्नुभएको थियो ।