म्याग्दीको बेनी नगरपालिका-९ घतानमा दोस्रो वडा अध्यक्ष कप एवम् प्रथम तोरीपानी कप सुरु भएको छ ।
उक्त प्रतियोगिताको उद्घाटन गर्दै बेनी नगरपालिका मेयर सुरत केसीले बेनी नगरपालिकाले खेल क्षेत्रको विकासका लागि विभिन्न कार्यक्रम र खेलाडीको प्रोत्साहनका लागि वडाहरुमा खेल मैदान निर्माण गरिएको बताउनुभयो ।
Advertisement
गाउँघरमा हुने यस्ता प्रतियोगिताले जिल्ला, प्रदेश संगै केन्द्र सम्म पुग्न सक्ने खेलाडी उत्पादनका गरेको बताउनुभयो । कार्यक्रममा उप मेयर ज्याती लामिछानेले नगरपालिकाले खेल क्षेत्रका लागि प्राथमिकता दिएर बजेट विजियोजन गर्दै आएको बताउनुभयो ।
Advertisement
विगत बर्ष देखि वडामा खेलाडीको प्रोत्साहन पनि हुने र खेलाडी पनि उत्पादन गर्ने उदेश्यले वडा अध्यक्ष कपको आयोजना गर्दै आएको बेनी नगरपालिका वडा ९ को अध्यक्ष चक्रबहादुर केसीले बताउनुभयो ।
उहाँले वडाले केही रकम आर्थिक सहयोग गर्ने र सम्पूर्ण जिम्मा युवा क्लबले गर्ने गरेको बताउनुभयो । हरेक बर्ष वडामा दर्ता भएका प्रत्येक टोलका युवा क्लबलाई छुटछुट्टै सहयोग गर्ने गरेको बताउनुभयो ।
उक्त कार्यक्रममा वडा नं. ७ का वडा अध्यक्ष रमेशकुमार श्रेष्ठ, नगरप्रहरी प्रमुख शंकर पौडेल, वडा सदस्य झलक विश्वकर्मा, गलेश्वर माविका प्र.अ गणेश बानियाँले बोल्नुभएको थियो । उक्त उद्घाटन कार्यक्रम गकुल सुनारको संचालन, तेजिन्द्र बहादुर खत्रीको स्वागत र तोरीपानी युवा क्लबका अध्यक्ष दिनेश खत्रीको अध्यक्षतामा सम्पन्न भएको थियो ।
विजया दशमीको अवसर पारेर आयोजना गरिएको उक्त प्रतियोगितामा पुरुष भलिबलमा प्रथम हुनेले ७५ हजार ५५५ ट्रफी, मेडल र प्रमाण पत्र, द्धितिय हुनेले नगर रु ४५ हजार ५५५ ट्रफी, मेडल र प्रमाण पत्र प्रौढ भलिबल बिजेताले ५० हजार १११ ट्रफी, मेडल र प्रमाण पत्र, उपबिजेताले ३० हजार ३३३ ट्रफी, मेडल र प्रमाण पत्र पाउने क्लब सचिव गणेश बानियाँले जानकारी दिनुभयो ।
त्यस्तै २० बर्ष मुनीको भलिबल बिजेताले ३५ हजार ५५५ ट्रफी, मेडल र प्रमाण पत्र उपविजेताले २५ हजार ५५५ पाउनेछन् भने २३ गते सम्म संचालन हुने प्रतियोगितामा एकल नृत्य प्रतियोगिता, पुरुष महिला लठो तान्ने प्रतियोगिता, बञ्चेबाजा नृत्य प्रतियोगिता र भाले हुने प्रतियोगिता रहको मेला कोषाध्यक्ष तेजिन्द्र बहादुर खत्रीले जानकारी दिनुभयो ।
