दिपायल – शिखर नगरपालिकाका नगर प्रमुख दीर्घ बलायर एम्बुलेन्स सहित भूकम्प प्रभावित क्षेत्रमा खटिएका छन् । बुधबार बिहान गएको भूकम्पका कारण घर भत्किएर घाइते भएका पूर्वीचौकी गाउँपालिका – ३ गैरागाउँ स्थानीयको उद्धारका लागि उनी नगरपालिका एम्बुलेन्स सहित खटिएका हुन् ।
Advertisement
भूकम्पका कारण सो क्षेत्रका ७ जना घाइते भएका छन् भने ६ जनाको मृत्यु भएको छ । बिहानै अप्रिय खबर सुने पछि त्यहाँका भूकम्प पीडित नागरिकहरुको सहयोगका लागि नगरको एम्बुलेन्स सहित खटिएको उनले बताए ।
Advertisement
विपद् र सङ्कट कहाँ कहिले कस्लाई आउँछ थाह हुँदैन,”उनले भने,”स्थानीय सरकारले पनि एक आपसमा सहयोग सदभाव बाँड्दै जानु पर्छ । दुःख खुशमा एक अर्कालाई साथ दिनु पर्छ। विशेष त पीडित जनतालाई थोरै भए पनि राहत हुन्छ , चाँडै उपचार पाउँछन् भनेर खटिएको हुँ।
नगरप्रमुख बलायरले भूकम्पको असार केही दिन अझै देखिने भएकाले नागरिकहरुलाई सचेत रहन समेत आग्रह गरेका छन् । उनले यस अवधिमा सुरक्षित खुला चौर र मैदानमा बस्न आग्रह गर्दै समस्या परेको अवस्थामा सिधै सम्पर्क गर्न भन्दै जनप्रतिनिधि र कर्मचारीहरुको नम्बर सार्वजनिक गरेका छन् ।
