काठमाडौं – काठमाडौँ क्षेत्र नम्बर ६ मा राष्ट्रिय स्वतन्त्र पार्टीका शिशिर खनाल विजयी भएका छन। उनले १४ हजार २०४ मत प्राप्त गरे । उनका निकटतम प्रतिस्पर्धी एमालेका सर्वेन्द्र खनालले ८ हजार ९११ मत प्राप्त गरे ।
Advertisement
कांग्रेसका भीमसेनदास प्रधानले ८ हजार ८०५ मत प्राप्त गरेको सहायक निर्वाचन अधिकृत बालकृष्ण मिश्रले सीआईएनलाई जानकारी दिए ।
Advertisement
काठमाडौँ ७ मा राष्ट्रिय स्वतन्त्र पार्टीका गणेश पराजुली ८ हजार ७४३ मतसहित विजयी भए । उनका निकटतम प्रतिस्पर्धी नेकपा एमालेका श्यामकुमार घिमिरेले ६ हजार ८०० मत प्राप्त गरे । गठबन्धनको सहयोगमा उम्मेदवार बनेकी माओवादी केन्द्रकी मानुषी यमी भट्टराईले ६ हजार ६३ मत पाइन ।
काठमाडौँ ८ मा राष्ट्रिय स्वतन्त्र पार्टीकै विराजभक्त श्रेष्ठ विजयी भए । उनले १० हजार १०५ मत प्राप्त गरे । उनले निकटतम प्रतिस्पर्धी हाम्रो नेपाली पार्टीका उम्मेदवार सुमन सायमीलाई ४ हजार २ सय १६ मतले पराजित गरे । सायमीले ५ हजार ८ सय ८९ मत पाए ।
यस्तै, काठमाडौँ २ बाट रास्वापाका शाेविता गाैतम विजयी भइन । उनले १५ हजार १२९ मत प्राप्त गरे ।
उनका निकटतम प्रतिस्पर्धी एमालेका मणिराम फुयाँलले ११ हजार ५५५ मत प्राप्त गरे भने राप्रपाकी कुन्ती पोखरेलले ११ हजार १४ मत प्राप्त गरे ।
