काठमाडौं– कांग्रेस महामन्त्री एवं काठमाडौं क्षेत्र–४ का नवनिर्वाचित प्रतिनिधिसभा सदस्य गगनकुमार थापाले अब संसदीय दलको निर्वाचनमा लड्न तयारी थाल्ने बताएका छन्।
Advertisement
निर्वाचन मत परिणाम घोषणा भएपछि मतदातालाई सम्बोधन गर्दै थापाले भने, ‘संसदीय दलको निर्वाचनको तयारीमा आजैदेखि लाग्छु। मतदाताको मनमा के छ। त्यो कुरा व्यक्त गर्नुभएको छ। त्यसलाई कार्यान्वयन गर्ने तयारीमा लागेको छु।’
Advertisement
मत परिणामको संकेत हेर्दा अहिले जनताले नेपाललाई हाक्ने नयाँ चालक खोजेको देखिएको उनले बताए। ‘त्यो चालक कांग्रेसभित्रै छन्। यो बहस पार्टीभित्र पनि भइसकेको छ। कांग्रेसले नयाँ नेतृत्व दिन जरुरी छ। देशभरबाटै यो विचार व्यक्त भएको छ,’ उनले भने।
थापाले निकटतम प्रतिद्वन्द्वी एमालेका राजन भट्टराईलाई ७ हजार ४४६ मतान्तरले पराजित गरेका छन्। थापाले २१ हजार ३०१ मत ल्याए भने भने भट्टराईले १३ हजार ८५५ मत प्राप्त गरे।
