त्रिभुवन विमानस्थलबाट १९ किलो सुनसहित एकजना विदेशी पक्राउ

शिखर समाचार
प्रकाशित मिती: २०७९ पुष ८, शुक्रबार १८:११

दिपायल– त्रिभुवन अन्तर्राष्ट्रिय विमानस्थलबाट १९ किलो सुनसहित एकजना विदेशी नागरिक पक्राउ परेका छन् । विमानस्थल स्रोतका अनुसार पक्राउ पर्ने सुडानका नागरिक हुन् ।

त्रिभुवन विमानस्थल भन्सार कार्यालयका कर्मचारीले चेकजाँच गर्दा उनको साथमा सुन फेला परेको हो । आरोपी फ्लाई दुबईको उडानमार्फत नेपाल आएका हुन् ।

लुकाएर भन्सार पास गराउन लाग्दा सुन तस्करीमा संलग्नहरु पक्राउ परेका हुन् । भन्सार कार्यालयले उनीहरु उपर थप छानबिन अघि बढाएको छ ।