दिपायल – दिपायल सिलगढी नगपालिकाका नगर प्रमुख विजय खड्काले क्रिसमस डेको शुभकामना व्यक्त गरेका छन् । क्रिश्चियन धर्मका संस्थापक येशु ख्रिष्टको जन्मदिनको सम्झनामा आइतबार आयोजित कार्यक्रममा सरिक हुँदै शुभकामना दिएका हुन्।
Advertisement
आशिष चर्च दिपायल र राजपुरमा रहेको चर्चमा आयोजित क्रिसमस डे विशेष कार्यक्रममा सहभागिता जनाउदै नगर प्रमुख खड्काले सम्पूर्ण ख्रिष्टियन धर्मावलम्बीहरुमा शुभकामना व्यक्त गरेका हुन ।
Advertisement
कार्यक्रममा बोल्दै उनले सबै धर्मको आआफ्नै महत्व रहेको बताउँदै सबै धर्मावलम्बीहरुबीच आत्मीय र सामाजिक सम्बन्ध कायम रहनु पर्ने बताए । “सबै धर्मले मानवता जागृत गर्छ, पाप नगर, धर्म र कर्म गर भनेको हुन्छ,” उनले भने,” राम्रो कुराहरू जुन धर्म शास्त्रबाट सिके पनि कुनै फरक पर्दैन ।” चर्चलाई पनि पवित्र मन्दिर जस्तै महत्वका साथ हेरेर प्राथमिकता दिने र सहयोग गर्ने उनले प्रतिबद्धता जनाए।
कार्यक्रममा आशिष चर्चले वृद्धालाई न्यानो कपडा र जेहन्दार विद्यार्थीहरुलाई पुरस्कार वितरण गरेको थियो ।
