म्याग्दीको घारखोलामा निर्माणाधीन १४ मेगावाटाको घारखोला जलविद्युत आयोजनाको काम ९२ प्रतिशत पुरा भएको छ । म्याग्दी हाइड्रो पावर कम्पनीले २०७५ सालदेखि निर्माण सुरु गरेको आयोजनाको काम सकिन लागेकाे हाे ।
Advertisement
निर्माणाधीन आयोजनाको सिभिल संचनाको काम ९७ प्रतिशत सकिएको आयोजना प्रमुख विनोद देवकोटाले बताए । उनका अनुसार बाँध क्षेत्रकाे काम सम्पन्न भएकाे छ । सुरुङकाे पाइप बिछ्याउने काम पनि अन्तिम चरणमा पुगेकाे छ ।
Advertisement
यस्तै, विद्युतगृहमा उपकरण जडानकाे काम भइरहेकाे छ । आगामी चैतभित्र सबै काम पूरा गरी उत्पादन सुरु गर्ने याेजना रहेकाे देवकाेटाले बताए । उत्पादन हुने विद्युत ८ किलाेमिटर दुरीमा रहेकाे नेपाल विद्युत प्राधिकरणको दाना
सबस्टेनमा जोडिनेछ । सबस्टेसनसम्मकाे आवश्यक लाइनकाे काम माघभित्र पूरा हुने कम्पनीले जनाएकाे छ । दाना सबस्टेसको काम पनि फागुनभित्रमा सम्पन्न हुनेछ।
४ वर्ष अघिदेखि निर्माण सुरु भएका आयोजनाबाट पुसभित्र नै विद्युत उत्पादन सुरु गर्ने तालिका थियो । तर, भौगोलिक विकटता, कोरोनाको जोखिम, युक्रेन र रसियाको युद्धले इलोक्ट्रोमेकानिकल उपकरणा आयातमा प्रभाव लगायत विविध कारणले तालिका सरेकाे देवकोटाले बताए । पछिल्लाे तालिका अनुसार आयोजनबाट २०७९ चैतभित्र विद्युत उत्पादन गर्नुपर्नेछ ।
आयोजना सम्पन्न गर्न २ अर्ब ४२ करोड रुपैया लागत अनुमान गरिएको छ । आयोजनामा एनएमबी बैंकको अगुवाइएमा ७० प्रतिशत ऋण लगानी छ । बाँकी ३० प्रतिशत स्वपुँजी लगानी रहेको छ ।घारखोलाको ९२ प्रतिशत काम सकियो, चैतभित्र १४ मेगावाट विद्युत प्रसारण प्रणालीमा थपिने
