२०८१ असार ३
June 16, 2024, Sunday

महिला भलिबल : धवलागिरी र अन्नपूर्ण फाइनलमामहिला भलिबल

म्याग्दीको बेनीमा जारी खुल्ला महिला भलिबल प्रतियोगिताको फाइनलमा उत्तरी म्याग्दीका अन्नपूर्ण गाउँपालिका र पश्चिम म्याग्दीको धवलागिरी गाउँपालिका प्रवेश गरेका छन् ।

Advertisement

अन्नपूर्ण गाउँपालिका र धवलागिरी गाउँपालिका ७औं म्याग्दी महोत्सव एवं माघेसङ्क्रान्ति मेला तथा प्रदेशस्तरीय कृषि, पर्यटन तथा औद्योगिक व्यापार मेला–२०७९ को अवसरमा आयोजित खुल्ला भलिबल प्रतियोगिताको फाइनलमा पुगेका हुन् । 

गएको पुस २८ गतेदेखि सुरु भएको महोत्सवको अवसरमा भएको भलिबल प्रतियोगिताको बिहीबार भएको पहिलो सेमीफाइनलमा मालिका गाउँपालिकालार्ई २५–१३, २०–२५, २५–१७, २५–१३ को सेटमा पराजित गर्दै धवलागिरी गाउँपालिका फाइनल प्रवेश गरेको हो । 

जिल्ला भलिबल संघ म्याग्दीका महासचिव कुमार किसानले दिएको जानकारी अनुसार दोस्रो सेमीफाइनल खेलमा मंगला गाउँपालिकालाई सोझो सेटमा पराजित गर्दै अन्नपूर्णले फाइनलको यात्रा तय गरेको छ । अन्नपूर्णले ३०–२८, २६–२४, २५–१५ को सेटमा मंगला गाउँपालिकालाई पराजित गरेको थियो । 

त्यस्तै पालिकास्तरीय पुरुष भलिबल प्रतियोगिताको फाइनलमा उत्तरी म्याग्दीका अन्नपूर्ण गाउँपालिका र रघुगंगा गाउँपालिका यसअघि नै प्रवेश गरेका थिए । म्याग्दी उद्योग वाणिज्य संघको आयोजना तथा जिल्ला भलिबल संघ म्याग्दीको संयोजनमा भएको खुल्ला महिला स्थानीय तहस्तरीय पुरुष भलिबलको फाइनल खेल माघ ६ गते बिहान ९ बजेबाट बेनीबजारको खुल्ला मञ्चमा हुनेछ । 

पुरुष भलिबल प्रतियोगितामा पहिलो हुने टिमले ८८ हजार आठसय ८८ र दोस्रो हुने टिमले ५५ हजार पाँचसय ५५ रुपियाँ पुरस्कार पाउने छन् । त्यस्तै सेमीफाइनलबाट बाहिरिएका धवलागिरी गाउँपालिका र बेनी नगरपालिकाले जनही १५/१५ हजार रुपियाँ पुरस्कार पाउने छन् । 

महिला भलिबल प्रतियोगितातर्फ पहिलो हुनेले ५५ हजार पाँच सय ५५ रुपियाँ तथा दोस्रो हुनेले ३३ हजार तीनसय ३३ रुपियाँ पुरस्कार प्राप्त गर्नेछन् । प्रतियोगितामा उत्कृष्ट खेलाडी, उत्कृष्ट स्पाइकर, व्लकर, सर्भर, डिफेन्डर र सेटरलाई नगद पुरस्कारको व्यवस्था गरिएको म्याग्दी महोत्सवका खेलकुद संयोजक हिमाल श्रेष्ठले बताउनुभयो । 

Related News

सडक आश्रित मानव उद्धारमा सक्रिय सामाजिक विकास कार्यालय म्याग्दी
सडक आश्रित मानव उद्धारमा सक्रिय सामाजिक विकास कार्यालय म्याग्दी
  • २०७९ माघ ५, बिहीबार १२:५०

म्याग्दीको सामाजिक विकास कार्यालय म्याग्दीले सडक आश्रित मानवको उद्धारमा सक्रिय भएको छ । बिहिबार पुनः एक भारतीय नागरिकको उद्धार गरेको...

मंगलाका ३२ द्वन्द्वपीडितलाई सम्मान
मंगलाका ३२ द्वन्द्वपीडितलाई सम्मान
  • २०७९ माघ ५, बिहीबार १२:५०

म्याग्दीको मंगला गाउँपालिका भित्रका ३२ द्धन्द्धपीडित परिवारलाई सम्मान गरिएको छ । गाउँपालिकाको आर्थिक सहयोगमा द्धन्द्धपीडित अधिकार मञ्च, द्धन्द्ध महिला राष्ट्रिय...

अन्नपूर्ण गाउँपालिका उत्कृष्ट ५ कृषक र एक समुहलाई नगदसहित सम्मानित
अन्नपूर्ण गाउँपालिका उत्कृष्ट ५ कृषक र एक समुहलाई नगदसहित सम्मानित
  • २०७९ माघ ५, बिहीबार १२:५०

म्याग्दीको अन्नपूर्ण गाउँपालिकाले उत्कृष्ट कृषकलाई नगद पुरस्कार सहित सम्मानित गरेको छ । आइतबार १० औं कृषक दिवसको अवसरमा उत्पादनमा आधारित...

TOP