म्याग्दीमा पहिलोपटक लिग फुटबल प्रतियोगिता आयोजना हुने भएको छ । म्याग्दी कप फुटबल ब्यवस्थापन समितिको आयोजना र जिल्ला फुटबल संघ म्याग्दीको सह-आयोजनामा सुपर लिग फुटबल प्रतियोगिताको अवधारणमा आगामी चैत्र १ देखि १० गतेसम्म खुल्लामञ्च बेनीमा प्रतियोगिता हुने भएको हो ।
बिहिबार आयोजकले गरेको पत्रकार सम्मेलनमा जिल्लाभित्रका फुटबल प्रतिभाको पहिचानमा समेत सघाउने उद्देश्यले गरिएको ब्यवस्थापन समितिका अध्यक्ष बिक्रम सुबेदीले बताए । उनले प्रतियोगितामा म्याग्दीका ८ र छिमेकी पर्वत जिल्लाका २ क्लवलाई सहभागिताका लागि निमन्त्रणा गरिएको बताए ।
‘फुटबल खेलाडीलाई यो अवसर हो,‘अब नियमित लिग खेलको वातावरणबन्दैछ’ संयोजक सुबेदीले भने ।प्रतियोगितामा एउटा क्लवले बाहिरी जिल्लाका ३ खेलाडीलाई सहभागी गराउन पाइने छ । एउटा क्लवले लिग चरणका ४ खेल खेल्न पाउने छ ।
पत्रकार सम्मेलनमा बेनी नगरपालिकाका कार्यपालिका सदस्य एवम् जिल्ला खेलकुद विकास समितिका पूर्व अध्यक्ष कृष्णकुमार विश्वकर्माले लिग प्रतियोगिता जिल्लाको फुटबल क्षेत्रमा कोशेढुंगा सावित हुने छ ।
अखिल नेपाल फुटबल संघ (एन्फा)को सदस्यताका लागि समेत अव निब्रत गतिमा काम हुने विश्वकर्माले बताए ।प्रतियोगिताका कुल १० लाख आर्थिक संकलन गरी प्रतियोगिताको समापन लगत्तै अर्कोपटकको आयोजकलाई खेलबाट बचत भएको आर्थिक सहित जिम्मेबारी हस्तान्तरण गरिने उनले बताए ।
प्रतियोगिताको अवसरमा जिल्ला खेलकुद विकास समितिका पूर्वअध्यक्ष एवम् बेनपा ७ का वडा अध्यक्ष रमेशकुमार श्रेष्ठ, जिल्ला खेलकुद विकास समितिका अध्यक्ष दिनेश केसी, जिल्ला फुटबल संघ म्याग्दीका अध्यक्ष दिलिप बुढाथोकी लगायत क्लवका पदाधिकारी सहितको उपस्थिती रहेको थियो ।
प्रतियोगितामा प्रथम, द्धितियले क्रमश १ लाख १५ हजार, उपविजेताले ७० हजार, मेडल र प्रमाणपत्र, उत्कृष्ट खेलाडीलाई १० हजार, उत्कृष्ट गोलरक्षक ७ हजार ५ सय, सर्वाधिक गोलकर्ता ७ हजार ५ सय, उत्कृष्ट यूवा खेलाडीले ५ हजार र ट्रफी प्राप्त गर्ने जिल्ला फुटबल संघ म्याग्दीका सचिव कुमार बानियाँले बताए ।
प्रतियोगिताका हरेक खेलमा म्याद अफ दी म्याच घोषित खेलाडीले २ हजार नदग र अनुशासित टिमले १० हजार नगद प्राप्त गर्ने छ । प्रतियोगितामा प्रति क्लव दर्ता शुल्क २० हजार र धरौटी २ हजार निर्धारण गरिएको छ ।
घोडेपानी, गण्डकी प्रदेशको भौतिक पूूर्वाधार विकास तथा यातायात व्यवस्था मन्त्रालयले बजेट कार्यान्वयन सुधार गर्न कार्ययोजना बनाएको छ । प्रदेश सरकारको...
म्याग्दीको रघुगंगा गाउँपालिका–३ मौवाफाँटमा एक हप्ते मुडा बुनाई तालिम सञ्चालन भएको छ । रघुगंगा गाउँपालिकाको सहयोगमा मौवाफाँट सामुदायिक सिकाई केन्द्रको...
म्याग्दीको रघुगंगा गाउँपालिका–४ दग्नाममा एक जना गर्भवतिको हेलिकप्टरबाट उद्धार गरिएको छ । Advertisement प्रसुति ब्यथा लागेर छटपटिएकी दग्नामकी ३७ वर्षीय...