द मुनसन युथ क्लब बेनी नगरपालिका ५ र ६ को आयोजनामा संचालन भएको सातौं मुनसन कप खुल्ला सेभेन ए साईड फुटबल प्रतियोगिताको उपाधि अर्थुङ्गे युनाइटेड युवा क्लबले हात पारेको छ ।
Advertisement
आयोजक मनसुन युवा क्लबलाई सेमी फाइनलमा टाइम ब्रेकरमा हराउदै फाइनलमा पुगेकोे रिभरसाइड युवा क्लबलाई अर्थुङ्गे युनाईटेड युवा क्लबले शुन्यका विरुद्ध ६ गोल गर्दै उपाधि हात पारेको हो । उपाधि संगै नगद ८० हजार ट्रफी मेडल र प्रमाण पत्र प्राप्त गरेको टिम कोच शिरिष हमालले जानकारी दिनुभयो ।
त्यस्तै एभरग्रीनलाई टाइम ब्रकरमा हराउदै फाइनलमा पुगेको रिबरसाइड उपविजेता सिमित भयो । उपविजेताले नगद ४० हजारसहित ट्रफी, मेडल र प्रमाणपत्र पायो भने छ । अनुशासित टिममा छाप ए सी लाई नगद १० हजार र ट्रफी प्रदान गरिएको आयोजकले जनाएको छ ।
त्यस्तै प्रतियोगितामा अर्थुङ्गे क्लबका अजित गुरुङ बेस्ट पिलियर, बेस्ट डिफेन्डर मनसुनका गणेश चोखाल, बेस्ट किपर अर्थुङ्गेका सज्जन बराईली, राइजिङ प्लेयर रिभर साइडका प्रविन मगर र बढी गोलकर्तामा मनसुनका अज्जन बानियाँ घोषित भएका छन् ।
त्यस्तै प्रतियोगितामा सर्वोत्कृष्ट खेलाडीले नगद ४ हजारसहित ट्रफी हात पारे भने अन्य विधातर्फ उत्कृष्ट हुने खेलाडीहरुले जनही ३–३ हजारसहित ट्रफी हात पारेका छन् ।
