सिटिजन्स बैंकको अर्थुङ्गेमा निःशुल्क स्वास्थ्य शिविर

गण्डकीपत्र डटकम
प्रकाशित मिती: २०८० चैत्र १७, शनिबार १६:०९

सिटिजन्स बैंक इन्टरनेसनल बेनी शाखाले बेनी नगरपालिका वडा नं ६ अर्थुङ्घेमा आयोजित स्वास्थ्य शिविरमा १ सयभन्दा बढी लाभान्वित भएका छन्।

बैंकको १७ औं वार्षिकोत्सवलाई मध्यनजर गर्दै शनिबार १ सय १३ जनाले निःशुल्क स्वास्थ्य परीक्षण गर्नुका साथैे आवश्यक औषधीहरुसमेत निःशुल्क वितरण गरिएको थियो ।

शिविरमा बेनी सञ्जिविनी हेल्थ क्लिनिकका डा. रोशन आचार्यको नेतृत्वमा रहेको टोलीले सुगर, प्रेसर सहित विभिन्न रोगको चेकजाँच सहित आवश्यक स्वास्थ्य सुझाव दिएको थियो ।

शिविरमा चेकजाँच गर्ने बिरामीको जटिलता हेरी थप चेकजाँचका लागि बेनीमा बोलाइएको छ । शाखा प्रबन्धक पुरुषोत्तम पौडेलले बैंकले संस्थागत सामाजिक उत्तरदायित्व कार्यक्रमअन्तर्गत शिक्षा, स्वास्थ्य लगायत विभिन्न क्षेत्रमा सहयोग गर्ने गरेको बताए ।

शिविरमा वडा सदस्य शारदा राना, राधिका विक सहितको उपस्थिती रहेको थियो । बैंकका कर्मचारी सुमित सुबेदीले स्वास्थ्य शिविर तथा बैंकमार्फत प्रदान हुने सेवा लगायतका विषयमा जानकारी गराएका थिए ,