अन्नपूर्णका व्यवसायीलाई कर सम्बन्धि अभिमुखीकरण

गण्डकीपत्र डटकम
प्रकाशित मिती: २०८१ जेष्ठ २, बुधबार १५:५०

म्याग्दीको अन्नपूर्ण गाउँपालिकामा कर सम्बन्धी एक दिने अभिमुखीकरण कार्यक्रम सम्पन्न भएको छ । गाउँपालिकाको आयोजनामा पालिकाका जनप्रतिनिधि, पालिका भित्रका होटल व्यवसायी, निर्माण व्यसायी, उपभोक्ता, आमा समुह युवा क्लबहरुलाई लक्षित गरेर कर सम्बन्धी जानकारी दिने उदेश्यले कार्यक्रम आयोजना गरिएको गाउँपालिका प्रमुख प्रशासकीय अधिकृत अमृत सुबेदीले जानकारी दिनुभयो ।

पालिका संचालनमा रहेका अधिकांश खुक्रा व्यापारी, साना होटल व्यवसायीलाई कर सम्बन्धी जानकारी नहुदा कर नतिर्ने, व्यवसाय बिना दर्ता संचालन गर्ने गरेको बताउदै गाउँपालिका अध्यक्ष भारतकुमार पुनले कर तिरेका व्यवसायीले कर अनुसारको हामीले आउनुपर्ने सुविधा के कस्ता छन् भन्नेबार प्रस्ट हुन यस्ता कार्यक्रमहरु पालिकाले आयोजना गरेको बताउनुभयो ।

पालिका उपाध्यक्ष तथा राजश्व परामर्श समितिका संयोजक समेत रहुनुभएकी दिवा कुमारी पुन तिलिजाको अध्यक्षतामा भएको कार्यक्रममा करका बारेमा आन्तिरिक राजश्व कार्यालय बाग्लुङका कर अधिकृत मोहन प्रसाद आचार्यले सहजिकरण गर्नुभएको थियो । कार्यक्रममा जनप्रतिनिधि, होटल व्यवसायी, निर्माण व्यसायी, उपभोक्ता, आमा समुह युवा क्लबहरुको उपस्थिति रहेको थियो ।