२०८१ असार ३१
July 14, 2024, Sunday

जलजलाका उत्कृष्ट टोलविकास र वडा विकास सहजकर्ता सम्मानित

पर्वतको जलजला गाउँपालिकाले उत्कृष्ट टोलविकास संस्था र वडा विकास सहजकर्ताहरुलाई सम्मान गरेको छ । शुक्रबार गाउँपालिका केन्द्र लामाखेतमा आयोजित कार्यक्रमका बीच उनीहरुलाई सम्मान गरिएको हो ।
गाउँपालिका भित्र गठन भएका एक देखि ९ वडा सम्मका एकसय ३९ वटा टोलविकास संस्थाहरु मध्य उत्कृष्ट काम गर्ने प्रत्येक वडाबाट एकवटा छनौंट गरी ९ वटा टोलविकास संस्था र दश जना वडा विकास सहजकर्ताहरुलाई दोसल्ला र सम्मान पत्रले सम्मान गरिएको हो ।

Advertisement

ती मध्य वडा नम्बर ३ को आदर्श नगर टोल विकास संस्थालाई उत्कृष्ट कार्यक्षमता आधारमा सर्वोत्कृष्ट संस्था छनौंट गरी संस्थाका अध्यक्ष सरिता उपाध्यायलाई नगद दश हजार रुपियाँ र सम्मानपत्र प्रदान गरिएको छ । साथै वडा नम्बर ४ का वडा विकास सहजकर्ता भगवती शर्मा पनि सर्वोत्कृष्ट वडा विकास सहजकर्ताका रुपमा सम्मानित हुनुभएको छ ।

गाउँपालिका भित्र गठन भएका टोल विकास संस्थाहरुले वडाको विकासका लागि पु¥याएको योगदान,क्रियाशिलता,सामाजिक एवम् मानविय विकासमा खेलेको भूमिका लगायतका २७ वटा सुचकहरुका आधारमा मुल्याङ्कन गरी उत्कृष्ट छनौंट गरी सम्मान गरिएको सामाजिक विकास अधिकृत भेषनाथ आचार्यले बताउनुभयो । उहाँका अनुसार २९ वटा सुचकहरुका आधारमा वडा विकास सहजकर्ताहरुको मुल्याङ्कन गरी सर्वोत्कृष्ट वडा विकास सहजकर्ता छनौंट गरिएको थियो ।

वडा नम्बर १ को प्रगतिशिल टोलविकास संस्था,२ को विमिराबोट टोलविकास संस्था,३ को आदर्श नगर टोल विकास संस्था,४ को भुमेथान टोल विकास संस्था,५ को कुवापानी टोल विकास संस्था,६ को जलजला तारे टोलविकास संस्था,७ को बास्कोट देउराली टोलविकास संस्था,८ को मझुवा शुक्लेश्वर टोल विकास संस्था र ९ को गाम टोल विकास संस्था सम्मानित भएका हुन ।

यसैगरी वडा विकास सहजकर्ताहरु वडा नम्बर १ रेनु दर्जी,२ सन्तु पौडेल शर्मा,३ सरिता खत्री,४ भगवती शर्मा, ५ पवित्रा खत्री,६ गिता दर्जी,७ टिकाबल्लभ आचार्य र योगेन्द्र उपाध्याय पौडेल,८ सुजता रेग्मी र ९ का मिना फकामी पुनलाई सम्मान गरिएको छ ।

सम्मानित हुने टोलविकास संस्था र वडा विकास सहजकर्ताहरुलाई गाउँपालिका अध्यक्ष राजुप्रसाद आचार्य,उपाध्यक्ष दिपक आचार्य र प्रमुख प्रशासकीय अधिकृत फणिन्द्रप्रसाद आचार्यले दोसल्ला र सम्मानपत्रले सम्मान गर्नुभएको थियो ।
सम्मानले टोल विकास संस्था र वडा विकास सहजकर्ताहरुको कार्यक्षमता वृद्धि,हौसला प्रदान र कामप्रति उत्प्रेरित गर्ने विश्वास गरिएको गाउँपालिका अध्यक्ष आचार्यले बताउनुभयो । टोल विकास संस्थाहरुको क्रियाशिलता र लगनशिलताका कारण वडाको विकासमा टेवा पुगेको अध्यक्ष आचार्यको भनाई थियो ।

उहाँले भन्नुभयो, ‘‘गाउँपालिकाका हरेक विकास गतिविधिहरुमा टोल विकास संस्थाहरुको भूमिका महत्वपूर्ण छ । आगामी दिनमा टोलविकास संस्थाहरुलाई अझै प्रभावकारी रुपमा परिचालन गरेर मानविय र सामाजिक सेवाका क्षेत्रमा क्रियाशिल बनाउँदै लैजाने पालिकाको योजना छ ।’’ गाउँपालिकाका सवै टोलविकास संस्थाहरुले करिब ५८ लाख रुपियाँ बचत जम्मा गरी परिचालन गरेको उहाँले बताउनुभयो ।

कार्यक्रममा गाउँपालिका उपाध्यक्ष दिपक आचार्यले वडा विकास सहजकर्ता र टोल विकास संस्थाहरु मार्फत स्थानीय सरकार जनताको घरघर सम्म पुगेको बताउनुभयो । प्रत्येक टोलहरुमा गठन भएका संस्थाहरुले उदाहरणीय कार्य गरेको उहाँको भनाई थियो ।

सम्पूर्ण वडाध्यक्षहरुका तर्फबाट मन्तब्य राख्दै वडा नम्बर ४ का वडाध्यक्ष भरत क्षेत्रीले टोल विकास संस्था र वडा विकास सहजकर्ताहरुले वडाका हरेक गतिविधिहरुमा सहयोगी भूमिका खेलेको बताउनुभएको थियो । उहाँले आगामी दिनमा अझै प्रभावकारी रुपमा परिचालन गर्नुपर्ने विचार व्यक्त गर्नुभयो ।

सम्मान कार्यक्रममा वडाध्यक्षहरु,कार्यपालिका सदस्यहरु,गाउँपालिकाका विभिन्न शाखाका प्रमुख,कर्मचारी,वडा विकास सहजकर्ता,टोल विकास संस्थाका पदाधिकारीहरु लगायतको सहभागिता रहेको थियो ।

गाउँपालिकाका सामाजिक विकास अधिकृत भेषनाथ आचार्यको संचालन प्रमुख प्रशासकीय अधिकृत फणिन्द्र प्रसाद आचार्यको स्वागत र पालिका अध्यक्ष राजुप्रसाद आचार्यको अध्यक्षतामा सम्मान कार्यक्रम सम्पन्न भएको थियो ।

Related News

म्याग्दीको ताकममा पहिरोले एक दम्पत्तीको मृत्यु
म्याग्दीको ताकममा पहिरोले एक दम्पत्तीको मृत्यु
  • २०८१ असार २३, शनिबार ०२:४८

म्याग्दीको धवलागिरी गाउँपालिका–७,ताकममा शुक्रबार बिहान पहिरोले घर पुरिँदा एक दम्पत्तीको मृत्यु भएको छ । ताकमको आरखोलामा गयराती घर माथिबाट खसेको...

म्याग्दीमा पिउने पानीमा दिसाका जीवाणु भेटियो
म्याग्दीमा पिउने पानीमा दिसाका जीवाणु भेटियो
  • २०८१ असार २३, शनिबार ०२:४८

म्याग्दीमा नमुना संकलन गरिएका विभिन्न स्थानमा १४ प्रतिशत पिउने पानीमा दिसाका जीवाणु भेटिएको छ । स्वास्थ्य कार्यालय म्याग्दीले जिल्लाका ५...

मलम्पारमा भाइले दाउरा प्रहार गरेर दाइको हत्या
मलम्पारमा भाइले दाउरा प्रहार गरेर दाइको हत्या
  • २०८१ असार २३, शनिबार ०२:४८

म्याग्दीको धवलागिरी गाउँपालिका– ५ मलम्पारमा भाइको कुटपिटबाट दाइको हत्या भएको छ । मलम्पारको रुटबाङटोलमा गयराती करिब साढे ११ बजे स्थानीय...

TOP