म्याग्दीको धवलागिरी गाउँपालिका–७,ताकममा शुक्रबार बिहान पहिरोले घर पुरिँदा एक दम्पत्तीको मृत्यु भएको छ । ताकमको आरखोलामा गयराती घर माथिबाट खसेको पहिरोमा पुरिएर ६५ वर्षिय तुलप्रसाद न्यौपाने र उहाँकी श्रीमती ४९ वर्षिया बालकुमारी न्यौपानेको मृत्यु भएको जिल्ला प्रहरी कार्यालय म्याग्दीका सुचना अधिकाकारी प्रहरी निरिक्षक राजन रायमाझीले जानकारी दिनुभयो ।
आवार खोलामा मृतक न्यौपाने दम्पत्तीको एक्लो घर थियो । घटनास्थलमा ताकम प्रहरीचौकीका प्रहरी, स्थानीयबासी, जनप्रतिनिधि सहितको टोली पुगेको छ ।
मृतक न्यौपानको मुल घरमा क्षती नभएपछि नजिकै रहेको अर्को सत्ने कोठीमा पहिरोले पुरिएको थियो । गएराति म्याग्दीमा भिषण बर्षा भइरहेको छ । म्याग्दी, राहुघाट र कालीगण्डकी नदीमा पानीको सतह बढेको छ ।
Advertisement
