बेनीमा आगामी असोज अन्तिम साता २० वर्ष भन्दा कम उमेरका खेलाडीहरुबीच वडा स्तरीय बास्केटबल प्रतियोगिता सञ्चालन हुने भएको छ ।
Advertisement
म्याग्दी जिल्ला बास्केटबल संघले असोज २१ देखि २३ गतेसम्म प्रतियोगिता सञ्चालन गर्न लागेको हो । संघका अध्यक्ष यमराज पुर्जा (एकिन)ले बेनीको कालीपुल खेलमैदानमा सञ्चालन हुने प्रतियोगितामा २० वर्ष भन्दा कम उमेर समुहका खेलाडीहरु सहभागी हुने बताउनुभयो ।
प्रतियोगितामा बिजेतालाई ट्रफि, मेडल र प्रमाणपत्र सहित नगद रु. ५० हजार तथा उपबिजेतालाई रु. ३५ हजार नगद पुरस्कार प्रदान गरिने उहाँले बताउनुभयो । तृतीय र सान्तवनालाई क्रमश रु. २० हजार र १० हजारको साथमा ट्रफी, मेडल र प्रमाणपत्र प्रदान गरिने संघले जनाएको छ ।
पत्राचार, प्रचारप्रसार, आर्थिक संकलन लगायतको तयारीलाई तिब्र बनाएको संघले जनाएको छ ।
