म्याग्दीको बेनी नगरपालिका–९ गलेश्वरमा रहेको सशस्त्र प्रहरी बल, नेपाल आश्रित गुल्मको शुक्रबार छैटौ वार्षिकोत्सव मनाइएको छ ।
Advertisement
वार्षिकोत्सवको अवसरमा जवानहरुको मेस भवन उद्घाटन, पुरस्कार वितरण र शहिद परिवारलाई सम्मान गरिएको थियो । सशस्त्र प्रहरी बल नेपाल नं. ४ मुक्तिनाथ बाहिनी मुख्यालयका बाहिनीपति प्रहरी नायव महानिरीक्षक कुलबहादुर नेम्वाङले कार्यक्रम र मेस भवन उद्घाटन गर्नुभएको हो ।
Advertisement
वि.स. २०५९ पुष १९ गते दाङको कुशुममा कर्तब्य पालनाको शिलशिलामा साहदत प्राप्त गरेका बेनी नगरपालिका–३ तोराखेतका प्रहरी वरिष्ठ हवल्दार स्व. नरबहादुर खत्रीका आमा जसमति खत्री र धवलागिरी गाउँपालिका–२ खोरीयाका शसस्त्र प्रहरी हवल्दार स्व. बलविर पुर्जाकी आमा निर्मला (नरिमा)लाई शसस्त्र प्रहरी नायव महानिरीक्षक नेम्वाङले दोसल्लो ओढाएर सम्मान गर्नुभएको थियो ।
वार्षिकोत्सवको अवसरमा विपद् व्यवस्थापन वेश नारच्याङका सशस्त्र प्रहरी कर्मचारीहरुबीच भएको दुई माईल दौड प्रतियोगितामा बिजयी भएका डम्मर शाही र हतियार ह्याण्डलीङ प्रतियोगितामा बिजयी केशव शर्मालाई चण्डकी गणका गणपति शसस्त्र प्रहरी उपरीक्षक राजेन्द्र थापाले पुरस्कृत गर्नुभएको थियो ।
