Advertisement
- Beni-8 Myagdi Beni Bazar, Myagdi
- gandakipatra78@gmail.com
२०८२ माघ १
January 14, 2026, Wednesday
नेपाल जेसीजको ५१ औँ राष्ट्रिय महाधिवेशनबाट म्याग्दी जेसीजका पूर्व अध्यक्ष सन्दिप खत्री अत्याधिक मत सहित राष्ट्रिय उपाध्यक्षमा निर्वाचित हुनुभएको छ ।
ईटहरीमा सोमबार सम्पन्न भएको मतदानमा म्याग्दी जेसीजका पूर्व अध्यक्ष सन्दिप खत्रीेले १ हजार ६८ मत सहित विजय हुनुभएको म्याग्दी जेसीजका महासचिव सञ्जन श्रेष्ठले जानकारी दिनभयो । उपाध्यक्ष खत्री रजनी थापाको प्यानलबाट उम्मेदवारी दिनुभएको थियो ।
म्याग्दीमा सामाजिक एवम् मानवीय सेवामा सक्रिय खत्रीले म्याग्दी जेसीजमा दर्जनौ नमुना कार्यक्रममार्फत उत्कृष्ट शाखा बनाउन सफल नेपाल जेसीजका राष्ट्रिय सम्पादक समेत हुनुहुन्थ्यो ।
उहाँ म्याग्दीको परोपकारी संस्था ओमकुमारी शान्ति कोषका अध्यक्ष समेत हुनहुन्छ ।म्याग्दी जेसीजमा सन् २०१४ मा प्रवेश गर्नुभएका खत्री सन् २०१८ मा उपाध्यक्ष सन् २०१९ मा महासचिव, सन् २०२० मा कार्यकारिणी उपाध्यक्ष, सन् २०२१ मा बरिष्ठ उपाध्यक्ष, सन् २०२२ मा शाखा अध्यक्ष हुनुभएको थियो ।
म्याग्दी जेसीजलाई समुदायस्तरका कार्यक्रममा केन्द्रित गर्ने अध्यक्षको रुपमा स्थापित खत्रीको कार्यकालमा शिक्षा,स्वास्थ्य, खेलकुद सहित विभिन्न क्षेत्रमा उल्लेखनीय सहयोग भएको थियो ।
म्याग्दी जेसीजको २५औं स्थापना दिवसको अवसरमा क्षेत्रीय सम्मेलन समेत म्याग्दीमा ल्याउन भूमिका खेल्नुभएका खत्री शाखा अध्यक्ष कार्यकालमा मेरो विद्यालय, न्यानो माया जस्ता नयाँ नयाँ कार्यक्रमको दीर्घिकालिन सुरुवात गरिएको थियो ।
राष्ट्रिय उपाध्यक्षमा विजय भएपछि खत्रीले आफूसँग भएको क्षमता र सिकेको कुरा अन्य जेसीज सदस्यहरुसँग बाड्न अवसर भएकाले यसलाई सदुपयोग गर्ने बताउनुभयो ।
बेनी ः माघे संक्रान्ति पर्वको अवसरमा बेनीमा बुधबारदेखि शुरु हुन लागेको खाना महोत्सव एवं कृषि मेला प्रर्दशनीको तयारी पुरा भएको...
बेनी बजार निवासी स्वर्गीय पुतलीदेवी र लक्ष्मीप्रसाद श्रेष्ठको स्मृतिमा उहाँका छोरा, छोरी र बुहारीले रु. पाँच लाख राशिको पुतलीदेवी–लक्ष्मीप्रसाद क्षेष्ठ...
म्याग्दीको सदरमुकाम बेनीमा संचालनमा रहेको लोकदिप बचत तथा ऋण सहकारी संस्था लिमिटेडको १२ औ साधारणसभा सम्पन्न भएको छ । साधारणसभामा...
