नेपाली कांग्रेसको भातृ संस्था नेपाल तरुण दल म्याग्दीको आयोजनामा नेपाल तरुण कप भलिबल प्रतियोगिता २०८१ ट्रफी सार्वजनिक गरिएको छ । साथै वुधबारदेखि हुने खेलको तयारी पुरा भएको छ ।
म्याग्दी क्षेत्र ‘ख’ अन्तर वडा क्षेत्रीय पुरुष भलिबल प्रतियोगिता यही फागुन ७, ८ र ९ गते मालिका गाउँपालिकाको वडा नं. ६ दरबाङमा हुने प्रतियोगिताको तयारी पुरा भएको तरुण दल म्याग्दीका अध्यक्ष श्री प्रसाद रोकाले जानकारी दिनुभयो । उहाँका अनुसार बुधबार बिहान १० बजेदेखि नै खेल सुरु हुनेछ । बेनी धवलागिरी गाउँपालिका, मालिका गाउँपालिका र मंगला गाउँपालिका गरी १९ वडाबाट १८ टिमले प्रतियोगितामा सहभागीता जनाएका छन् ।
नेपाली कांग्रेस म्याग्दीको पार्टी कार्यालयमा एक कार्यक्रमको आयोजना गरी प्रतियोगिताको ट्रफी समेत सार्वजनिक गरिएको तरुण दल म्याग्दीका सचिव सुमन बानियाँले जानकारी दिनुभयो । नेपाली कांग्रेस म्याग्दीका सभापती तथा प्रतिनिधि सभा सदस्य खमबहादुर गर्बुजा खम्बीर, संविधान सभा सदस्य रेशम बहादुर बानियाँ, उप सभापती हरिकुमार श्रेष्ठ, केबी भण्डारी लगायतको उपस्थितिमा उक्त ट्रफी सार्वजनिक गरिएको हो ।
प्रतियोगितामा प्रथम हुनेले रु १ लाख ११ हजर १११, ट्रफी मेडल र प्रमाण पत्र, द्धितिय हुनेले रु ६६ हजार ६६६ ट्रफी मेडल र प्रमाण पत्र पाउनेछन् । प्रेत्यक साँझ तरुण साँझ समेत आयोजना हुने भएको छ । उक्त प्रतियोगिताको प्रतिनिभि सभा सदस्ले गर्बुजाले गर्नुहुने कार्यक्रम रहेको आयोजनकले जनाएको छ ।
प्रतियोगितामा राष्ट्रिय तथा स्थानीय कलाकार कुमार पुन, राम गगन र शक्ती छिनालको सांस्कृतिक प्रस्तुतीका साथमा डान्सर पवित्रा पुन नृत्य समेत हुने आयोजकले जनाएको छ ।
त्यस्तै यही फागुन १४ देखि १६ गते सम्म हुने म्याग्दी क्षेत्र ‘क’ मा हुने प्रतियोगिताको समेत तयारीलाई तिब्र पारिएको छ । त्यस प्रतियोगितामा बेनी नगरपालिका, रघुगंगा गाउँपालिका र अन्नपूर्ण गाउँपालिकाका वडाबाट पुरुष भलिबलमा प्रथम हुनेले समेत सोही अनुसारको पुरस्कार पाउनेछन् भने महिला भलिबल प्रतियोगीतामा प्रथम हुनेले रु ७७ हजार ७७७ र द्धितिय हुनेले ४४ हजार ४४४ ट्रफी मेडल र प्रमाण पत्र पाउने आयोजकले जनाएको छ ।
